Святитель Иннокентий (Борисов), Херсонский, архиепископ

Святитель Иннокентий (Борисов), Херсонский ,архиепископ
Святитель Иннокентий (Борисов), Херсонский ,архиепископ

ДНИ ПАМЯТИ:
7 июня
23 сентября – Собор Липецких святых
Житие
Свя­ти­тель Ин­но­кен­тий, ар­хи­епи­скоп Хер­сон­ский и Та­ври­че­ский (в ми­ру Иван Алек­се­е­вич Бо­ри­сов) ро­дил­ся 15 де­каб­ря 1800 го­да в го­ро­де Ель­це Ор­лов­ской гу­бер­нии в се­мье свя­щен­ни­ка Успен­ской церк­ви Алек­сия Бо­ри­со­ва.

Ро­ди­те­ли прео­свя­щен­но­го Ин­но­кен­тия бы­ли лю­ди про­стые, доб­рой жиз­ни. Отец Алек­сей Бо­ри­сов по­лу­чил до­маш­нее об­ра­зо­ва­ние. Из низ­ших сте­пе­ней кли­ра он до­слу­жил­ся до свя­щен­ни­ка и ста­рал­ся в ча­стых про­по­ве­дях до­не­сти до при­хо­жан сло­ва от­цев и учи­те­лей Церк­ви.

Мать прео­свя­щен­но­го Ин­но­кен­тия Аки­ли­на бы­ла жен­щи­на негра­мот­ная, но ум­ная и на­бож­ная. Крест и мо­лит­ва бы­ли глав­ным ос­но­ва­ни­ем всей её жиз­ни, всех её мыс­лей, дей­ствий и по­ступ­ков. У неё бы­ла своя до­маш­няя ап­те­ка, со­сто­яв­шая из раз­ных трав и цве­тов, рос­но­го ла­да­на, бла­го­сло­вен­ных хле­бов, еле­ев от чу­до­твор­ных икон, Бо­го­ро­дич­ных просфор и по­доб­ных сим свя­щен­ных пред­ме­тов. Ими она вра­че­ва­ла се­бя и сво­их де­тей. В ро­ди­тель­ском до­ме Иван изу­чил сла­вян­скую аз­бу­ку, Ча­со­слов и Псал­тирь и на­учил­ся пись­му.

В 1819 го­ду Иван Бо­ри­сов окон­чил курс се­ми­нар­ско­го уче­ния с от­лич­ным успе­хом и по­сту­пил в Ки­ев­скую ду­хов­ную ака­де­мию. Здесь он пре­дал­ся изу­че­нию на­ук с та­ким жа­ром, что ино­гда це­лые но­чи про­во­дил за кни­гой. По­ви­ну­ясь внут­рен­не­му при­зва­нию, бо­лее все­го за­ни­мал­ся он со­став­ле­ни­ем и об­ра­бот­кой про­по­ве­дей.

В 1823 го­ду 23-лет­ний Иван Алек­се­е­вич окон­чил пол­ный курс ака­де­ми­че­ско­го уче­ния пер­вым ма­ги­стром и был опре­де­лён в Санкт-Пе­тер­бург­скую ду­хов­ную се­ми­на­рию на долж­ность ин­спек­то­ра и про­фес­со­ра цер­ков­ной ис­то­рии, но не про­шло и трёх ме­ся­цев, как он за­нял и долж­ность рек­то­ра Санкт-Пе­тер­бург­ско­го Алек­сан­дро-Нев­ско­го ду­хов­но­го учи­ли­ща. Здесь же он при­нял по­стри­же­ние в мо­на­ше­ство с име­нем Ин­но­кен­тий и был ру­ко­по­ло­жен в иеро­мо­на­ха. В де­каб­ре 1824 го­да отец Ин­но­кен­тий на­зна­ча­ет­ся ба­ка­лав­ром бо­го­слов­ских на­ук в Санкт-Пе­тер­бург­ской ду­хов­ной ака­де­мии, а через несколь­ко ме­ся­цев – её ин­спек­то­ром и экс­тра­ор­ди­нар­ным про­фес­со­ром. В мар­те 1826 го­да он воз­во­дит­ся в сан ар­хи­манд­ри­та.

Лек­ции свои отец Ин­но­кен­тий обык­но­вен­но пре­по­да­вал на­изусть. Он вни­ма­тель­но сле­дил за совре­мен­ным со­сто­я­ни­ем и успе­ха­ми есте­ствен­ных на­ук, и в его воз­зре­ни­ях эти зна­ния не толь­ко не про­ти­во­ре­чи­ли, но наи­луч­шим об­ра­зом слу­жи­ли бо­го­сло­вию.

В свой­ствах сво­ей люб­ве­обиль­ной ду­ши ар­хи­манд­рит Ин­но­кен­тий чер­пал ис­кус­ство скреп­лять в сре­де про­фес­со­ров доб­рую об­щи­тель­ность и по­всю­ду вно­сил мир и успо­ко­е­ние. За де­вять лет рек­тор­ства от­ца Ин­но­кен­тия ака­де­ми­че­ская се­мья ду­ма­ла с ним од­ну ду­му, жи­ла с ним од­ною жиз­нью. Со сту­ден­та­ми ака­де­мии отец рек­тор все­гда об­хо­дил­ся лас­ко­во и бла­го­род­но. Осо­бен­но доб­рым и вни­ма­тель­ным бы­вал он к ним то­гда, ко­гда их по­сти­га­ло ка­кое-ли­бо го­ре, на­при­мер, се­рьёз­ная бо­лезнь. По­мочь в этой бе­де несчаст­но­му – со­став­ля­ло то­гда для рек­то­ра всю его глав­ную за­бо­ту. Он жерт­во­вал в этом слу­чае не толь­ко сво­и­ми сред­ства­ми, но ино­гда да­же и сво­и­ми жиз­нен­ны­ми удоб­ства­ми.

Осо­бую сла­ву от­ца Ин­но­кен­тия со­став­ля­ет необык­но­вен­ный про­по­вед­ни­че­ский та­лант. Впо­след­ствии вла­ды­ку Ин­но­кен­тия на­зо­вут «Рус­ским Зла­то­устым». Как про­по­вед­ник он от­ли­чал­ся тем, что дей­ство­вал по пре­иму­ще­ству на серд­ца слу­ша­те­лей и увле­кал их яс­но­стью и про­сто­тою сло­ва, тон­ки­ми и ост­ро­ум­ны­ми сбли­же­ни­я­ми пред­ме­тов, ис­кус­ством от­кры­вать в них но­вые и за­ни­ма­тель­ные сто­ро­ны и уме­ни­ем при­нять, как мож­но бли­же, свои по­уче­ния к раз­лич­ным слу­ча­ям и об­сто­я­тель­ствам. Та­ким об­ра­зом, вла­ды­ка Ин­но­кен­тий со­здал но­вую рус­скую шко­лу про­по­вед­ни­че­ства, да­лё­кую вся­кой внеш­ней эф­фект­но­сти и су­хой учё­но­сти.

Кро­ме про­по­ве­дей, вла­ды­ка оста­вил мно­го за­ме­ча­тель­ных на­уч­ных про­из­ве­де­ний и пе­ре­во­дов, та­ких как: «Жизнь св. Ки­при­а­на», «Жизнь св. апо­сто­ла Пав­ла», «Па­мят­ник ве­ры», «Ис­то­рия Со­бо­ров Все­лен­ских», пе­ре­вод «Корм­чей Кни­ги» и мно­гое дру­гое.

Внеш­няя при­ро­да для от­ца Ин­но­кен­тия бы­ла вто­рою Биб­ли­ей, сви­де­тель­ству­ю­щей о бо­же­ствен­ном ве­ли­чии Твор­ца. Этот взгляд на при­ро­ду яс­но про­во­дил он в сво­их про­по­ве­дях. «По­смот­ри­те, – го­во­рил он, – на ки­пя­щее вол­на­ми мо­ре, или на ту­чу, рас­се­ка­е­мую мол­ни­я­ми и гро­ма­ми: не об­раз ли это все­мо­гу­ще­ства Бо­жия? По­смот­ри­те на свод небес­ный, усе­ян­ный звёз­да­ми, на вос­хо­дя­щее Солн­це: не об­раз ли это пре­муд­ро­сти Бо­жи­ей? По­смот­ри­те на Вес­ну, укра­шен­ную цве­та­ми, ве­ду­щую за со­бою хо­ры пер­на­тых: не об­раз это бла­го­сти Бо­жи­ей? Что ме­ша­ет те­бе, смот­ря на свои кар­ти­ны, вос­хо­дить мыс­лею к со­вер­шен­ствам Твор­ца тво­е­го?» При та­ком взгля­де от­ца Ин­но­кен­тия на при­ро­ду по­нят­на и осо­бен­ная лю­бовь его к ней и к есте­ствен­ным на­у­кам. Им­пе­ра­тор­ская Ака­де­мия на­ук и раз­ные уче­ные об­ще­ства по­чти­ли ли­те­ра­тур­ные за­слу­ги про­по­вед­ни­ка при­ня­ти­ем его в свои чле­ны. Про­по­ве­ди его бы­ли пе­ре­ве­де­ны в своё вре­мя на гре­че­ский, немец­кий, фран­цуз­ский и поль­ский язы­ки.

В 1836 го­ду 21 но­яб­ря в Ка­зан­ском со­бо­ре Санкт-Пе­тер­бур­га в день Вве­де­ния во храм Пре­свя­той Бо­го­ро­ди­цы со­сто­я­лась хи­ро­то­ния ар­хи­манд­ри­та Ин­но­кен­тия во епи­ско­па Чи­ги­рин­ско­го.

В мар­те 1840 го­да он на­зна­ча­ет­ся на ка­фед­ру епи­ско­па Во­ло­год­ской епар­хии. Здесь он оста­вал­ся 9 ме­ся­цев и за­тем был пе­ре­ме­щён в Харь­ков­скую епар­хию. Слу­же­ние его в Харь­ко­ве про­дол­жа­лось око­ло се­ми лет. За этот срок он вос­ста­но­вил Ах­тыр­ский и Свя­то­гор­ский мо­на­сты­ри, от­крыл Ни­коль­скую жен­скую оби­тель. Вла­ды­ке при­над­ле­жит идея учре­жде­ния тор­же­ствен­но­го крест­но­го хо­да в Харь­ко­ве по слу­чаю пе­ре­не­се­ния в го­род из Ку­ряж­ско­го мо­на­сты­ря чу­до­твор­ной ико­ны Бо­жи­ей Ма­те­ри.

В 1845 го­ду Вла­ды­ка воз­во­дит­ся в сан ар­хи­епи­ско­па. И через 3 го­да на­зна­ча­ет­ся в Хер­со­но-Та­ври­че­скую епар­хию, где раз­но­пле­мен­ная пра­во­слав­ная паства непре­стан­но под­вер­га­лась тле­твор­но­му вли­я­нию та­тар, ев­ре­ев и немец­ких ко­ло­ни­стов.

Вос­ста­но­вить в Кры­му древ­ние хри­сти­ан­ские па­мят­ни­ки, раз­ру­шен­ные та­та­ра­ми, и ос­но­вать свой «Рус­ский Афон», – вот глав­ное, че­го хо­тел до­стичь ар­хи­пас­тырь во вре­мя сво­е­го управ­ле­ния Хер­со­но-Та­ври­че­ской епар­хи­ей.

Же­лая со­хра­нить раз­ва­ли­ны древ­не­го Хер­со­на, про­слав­лен­но­го Кре­ще­ни­ем ве­ли­ко­го кня­зя Рус­ско­го Вла­ди­ми­ра, прео­свя­щен­ный Ин­но­кен­тий ис­про­сил се­бе у на­мест­ни­ка кав­каз­ско­го эти раз­ва­ли­ны и по­ста­рал­ся устро­ить там, по­сре­ди пу­сты­ни, вбли­зи остат­ков быв­ше­го со­бор­но­го хра­ма, неболь­шую цер­ковь во имя свя­той кня­ги­ни Оль­ги с неболь­шим по­ме­ще­ни­ем для ино­ков. За­тем он об­но­вил ис­се­чён­ный ру­ка­ми свя­то­го Кли­мен­та в Ин­кер­ман­ской ска­ле древ­ний храм, освя­тил его в па­мять двух свя­щен­но­му­че­ни­ков, Кли­мен­та и Мар­ти­на, по­стра­дав­ших в Хер­соне, ку­да они по­сла­ны бы­ли на ка­ме­но­лом­ные ра­бо­ты, и устро­ил в этой же ска­ле неболь­шой скит. Во вре­мя сво­е­го пу­те­ше­ствия по Кры­му вла­ды­ка обыч­но остав­лял спут­ни­ков у под­но­жия гор, а сам под­ни­мал­ся на их вер­ши­ну для мо­лит­вы на ме­стах по­дви­гов древ­них по­движ­ни­ков.

В по­след­ние го­ды сво­е­го свя­ти­тель­ства прео­свя­щен­ный Ин­но­кен­тий при­ни­мал са­мое жи­вое ар­хи­пас­тыр­ское уча­стие в бед­стви­ях Крым­ской вой­ны и имел в выс­шей сте­пе­ни бла­го­твор­ное вли­я­ние на во­и­нов.

Ве­ли­чие ду­ха свя­ти­те­ля Ин­но­кен­тия об­на­ру­жи­лось и в по­се­ще­нии им стра­даль­цев-во­и­нов в ла­за­ре­тах, где сви­реп­ство­вал за­ра­зи­тель­ный тиф и где мож­но бы­ло ви­деть всю тяж­кую скорбь, все стра­да­ния, по­рож­да­е­мые вой­ной. В сра­же­ни­ях он об­хо­дил ря­ды войск, обод­ряя ге­ро­ев. И здесь му­же­ствен­ный пас­тырь-отец яв­лял­ся Ан­ге­лом-уте­ши­те­лем страж­ду­щих.

В ко­ро­на­цию им­пе­ра­то­ра Алек­сандра II ар­хи­епи­скоп Ин­но­кен­тий на­зна­чен был чле­ном Свя­тей­ше­го Си­но­да.

Уси­лен­ные тру­ды и тре­во­ги над­ло­ми­ли здо­ро­вье слав­но­го ар­хи­пас­ты­ря. Вла­ды­ка за­бо­лел, на­хо­дясь в Се­ва­сто­по­ле во вре­мя бит­вы рус­ских войск с непри­я­те­лем, и на об­рат­ном пу­ти в Одес­су скон­чал­ся в Хер­соне 25 мая 1857 го­да в свет­лый празд­ник Жи­во­на­чаль­ной Тро­и­цы.

Ка­но­ни­зо­ван Рус­ской Пра­во­слав­ной Цер­ко­вью в 1997 го­ду.

МОЛИТВЫ

Тропарь святителю Иннокентию Архиепископу Херсонскому
глас 4
От юных лет прилежа учению благочестия и страху Божию, во благодати Христовой преуспевая, стяжал еси словесная дарования и явился еси неутомимый проповедник спасения, души верных озаряя спасительными смыслы и приводя всех ко исправлению. Святителю отче Иннокентие, моли Христа Бога дати нам оставление грехов и велию милость.
Тропарь иной святителю Иннокентию Архиепископу Херсонскому
глас 4
Днесь град Херсонский радуется, веселится земля Таврическая, имуще молитвенника святителя Христова Иннокентия, пастыря добра и праведника изряднаго, иже Божия Матери образ Касперовский прославил еси, в крае Новороссийском веру правую утвердил еси. Темже святителю отче Иннокентие, моли Христа Бога, спастися душам нашим.
КАНОНЫ И АКАФИСТЫ

АКАФИСТ СВЯТИТЕЛЮ ИННОКЕНТИЮ АРХИЕПИСКОПУ ХЕРСОНСКОМУ

Кондак 1

Избранный от Господа благий рабе и верный, Церкви Русския украшение, новый Златоусте, Христова стада пастырю предобрый, святителю Иннокентие, от любве душевныя ублажаем тя заступника и покровителя града нашего. Теплыми твоими молитвами у престола Пресвятыя Троицы укрепляеми, благодарно зовем ти: Радуйся, богомудре отче Иннокентие, святителю преславный. Икос 1

Ангела Хранителя Русския земли яви тя милосердный Господь, святителю отче Иннокентие, в семье бо боголюбивей возрастился еси, великий светильниче Церкви Христовой, от юности любовь ко храму Божию имея, и от земных к небесным восходя, достойный служитель велений Отца Небеснаго явился еси. Мы же, грешнии, с любовию вопием ти: Радуйся, от корене благочестиваго рожденный. Радуйся, от рождения своего омофором Царицы Небесныя покровенный. Радуйся, родителей твоих сыне богодарованный. Радуйся, во святей вере Православней строго воспитанный. Радуйся, в духовном просвещении разум книжный стяжавый. Радуйся, чистое сердце твое Господеви отдавый. Радуйся, во граде Киеве книжной мудрости наученный. Радуйся, смирением и молитвою от страсти уныния сохраненный. Радуйся, богомудре отче Иннокентие, святителю преславный.

Кондак 2

Видев Господь сердце твое, отче Иннокентие, любовию к Нему пламенеющее, призва тя на стезю монашеского жития, но не в тихой келии уединенней, а посреде мира, якоже воин посреде сечи ратныя. Темже разум истиннаго богословия стяжав, богомудрыми ученьми утверждал еси ученики своя и Службе Божией зело прилежал еси, Ангельскую песнь воспевая Господеви: Аллилуиа.

Икос 2

Разум богопросвещен свыше тебе даровася, святителю предивный, егда еще отрок сый, дух свой к приятию Божественныя истины уготовал еси, не токмо слушая, но и исполняя слово Божие. Аще убо во всем подражатель Христу был еси, в том же разуме настави и нас, зовущих ти: Радуйся, чистоты душевныя и телесныя усердный хранителю. Радуйся, заповедей Божиих верный исполнителю. Радуйся, чтение Божественных Писаний измлада возлюбивый. Радуйся, во дни и в нощи непрестанно молитвы к Богу возносивый. Радуйся, се бо древу, насажденному при исходищах вод, уподобивыйся. Радуйся, девством и целомудрием всеизрядне украсивыйся. Радуйся, всего себе воле Божией предавый. Радуйся, токмо от Господа помощи и утешения искавый. Радуйся, богомудре отче Иннокентие, святителю преславный.

Кондак 3

Силу духа твоего, во едино намерение совокупивый, отче Иннокентние, возжелал еси житие твое безраздельне на служение Церкви Христовой предати. Сего ради по стопам Христа путем узким последовал еси, ревностно труждаяся в писаниих церковных, непрестанно Ему воспевая: Аллилуиа.

Икос 3

Имея всегда пред очима твоима Господа, весь Ему верен был еси, темже на степень священства архиерей Божий возведе тя. Ты же со всяким смиренномудрием на рамо свое служение во граде Киеве подъял еси, тако и нас подвизаеши взывати тебе сице: Радуйся, писаньми твоими богодухновенными души и сердца всех чтущих тя просветивый. Радуйся, подвиги и труды подвижников Христовых в творениих твоих изобразивый. Радуйся, яко и в житии твоем всецело им последовал еси. Радуйся, яко обитель Киево-Братскую строениями украсил еси. Радуйся, тобою бо догматы крепко водворяются. Радуйся, светильниче веры, на свещнице церковней возженный. Радуйся, угодниче Божий, смирением и кротостию паче всех дарований украшенный. Радуйся, богомудре отче Иннокентие, святителю преславный.

Кондак 4

Бури страстей избежав, архипастырски усердно трудился еси, святителю отче Иннокентие, и сокровище премудрости ревностно собирати стремяся ко просвещению народов русских, научил еси всех разумно пети Богови: Аллилуиа.

Икос 4

Слышавше и видевше, святе Иннокентие, ближнии и дальнии души твоея доброту, дивляхуся о трудех твоих неустанных, имиже трудился еси во святительстем сане на земли Вологодстей и Харьковстей. Темже людие Божии радовахуся, яко приял еси жезл архипастырский; мы же, светом твоего богоразумия озаряеми, вопием ти: Радуйся, благочиния церковнаго верный блюстителю. Радуйся, богослужебных уставов строгий исполнителю. Радуйся, храмов святых искусный устроителю. Радуйся, честных обителей усердный зиждителю. Радуйся, пастырства добраго ревностный попечителю. Радуйся, соблазнов, ересей и нестроений мудрый искоренителю. Радуйся, яко благодать Божия словесы твоими питает духовне алчущих. Радуйся, яко благодать Божия учении твоими напояет духовне жаждущих. Радуйся, богомудре отче Иннокентие, святителю преславный.

Кондак 5

Боготочный источник премудрости, добродетелей духовных исполненный, явился еси, Иннокентие прехвальне, сего ради избра тя Господь, яко угодника Своего возлюбленнаго просвещения ради народа православнаго, темже богодухновенными писаньми твоими усердно Церкви Христовой послужил еси. Мы же, хвалу возсылающе ко благодеющему тебе Богу, вопием: Аллилуиа.

Икос 5

Видевше тя вернии людие, яко помощника и утешителя не токмо к тебе приходящим, но и далече сущим, яко писании твоими к покаянию призывая, вся утешаеши, вразумляеши и теплым твоим ходатайством заступаеши. Мы же, грешнии, вопием ти: Радуйся, яко дарования Божия данныя ти приумножил еси. Радуйся, словесы твоими души многия просветил еси. Радуйся, яко свет богопознания в сердца чтущих тя изливаеши. Радуйся, яко чистоту души в них добре насаждаеши. Радуйся, устнами медоточными глаголы живота вечнаго от Бога возвещающий. Радуйся, от Духа Свята просвещенный и просвещающий. Радуйся, гусли духа сладкозвучныя, яко величие Божественных Страстей Христовых боголепно воспевый. Радуйся, яко Архистратига Сил Небесных Михаила с любовию велемудро прославивый. Радуйся, богомудре отче Иннокентие, святителю преславный.

Кондак 6

Проповедник веры Православныя и ревнитель благочестия был еси, святителю отче Иннокентие, заповеди Господни не усты токмо, но и житием твоим изъяснивый, и тако просветися свет твой пред человеки, яко тии видяще добрая дела твоя, прославляют Отца Небеснаго, вопия Ему: Аллилуия.

Икос 6

Возсиял еси яко звезда лучезарная Церкви Христовой ревностию твоею о славе Божией, егда Пастыреначальник Христос Бог постави тя светильника пастве Тавричестей, да светиши светло Отечеству твоему. Мы же, дивному промышлению Божию о тебе радуяся, умильно поем ти: Радуйся, в день Пресвятыя Троицы начало служения твоего в земли Тавричестей положивый. Радуйся, благовествованием верных радостно освятивый. Радуйся, богоспасаемаго града нашего о Господе заступление. Радуйся, всего края южнаго честная похвало. Радуйся, архиерею Божий, святителю предивный. Радуйся, Духа Святаго жилище преукрашенное. Радуйся, Пресвятыя Троицы служителю верный. Радуйся, телом немощный, духом же благодатиею Божиею укрепленный. Радуйся, богомудре отче Иннокентие, святителю преславный.

Кондак 7

Хотя всевидец Господь прославити тя, владыко преславне, воздвиже тя пастве твоей неусыпна трудника и молитвенника на ниве неоранней земли Причерноморския. Темже изначала в строении соборныя церкви Преображения во граде Одессе неустанно трудился еси, в ней же молитвы теплыя ко Христу Богу и Пречистей Его Матери возносил еси, с веселием воспевая: Аллилуиа.

Икос 7

Новаго избранника Божия видеша тя православнии людие, добраго пастыря Христова и молитвенника теплаго: ты бо установил еси память соборне праздновати священномучеником Херсонесским, ихже Господь прослави, яко угодники Своя. Мы же чудящеся таковей неизреченней благости Божией, умильно взываем ти сице: Радуйся, яко деяния первых святителей юга Руси достойно прославивый. Радуйся, яко купно с сими святыми ныне и от нас славословие приемлеши. Радуйся, яко крестныя ходы с чудотворною иконою Касперовскою установивый. Радуйся, яко новозданную церковь северную освятивый. Радуйся, устроителю и ревнителю благолепия церковнаго. Радуйся, рачителю делания духовнаго. Радуйся, в трудах и болезнех явивый силы Божия вместилище. Радуйся, сосуде освященный, Духа Святаго хранилище. Радуйся, богомудре отче Иннокентие, святителю преславный.

Кондак 8

Странное и неизреченное чудо благодати небесныя явился еси, Иннокентие досточудне, проповеднику покаяния великому святителю Иоанну Златоустому воистину уподобляяся: ты бо светом Евангелия Христова и учением твоим сладкодухновенным боголюбивую паству свою просвещал и научал еси, да любовь святая утвердится в сердцах христианских, во еже ни скорбь, ниже теснота, ниже самая смерть не возмогут разлучити верныя от любве Божия. Темже и нас, грешных, побуждаеши непрестанно служити Господу Сил и воспевати Ему с любовию: Аллилуиа.

Икос 8

Весь освящен благодатию Духа Святаго, иго Христово на рамо взем, вспять николиже обративыйся, мудрым предстоятелем и добрым благоукрасителем обителей святых был еси, себе самаго иноческим житием украшая, уставы отеческия во обителех крепко водворял еси. Темже похваляюще святую ревность твою о Господе, зовем ти: Радуйся, путь тесный жития монашескаго от юности возлюбивый. Радуйся, во смирении твоем высокая дарования получивый. Радуйся, светильницы молитвенныя обителей святых в земли Тавричестей возжегл еси. Радуйся, мног собор иночествующих тамо собрал еси. Радуйся, благословение апостола святаго Первозваннаго Андрея наследивый. Радуйся, продолжателю трудов славных того апостола дивный. Радуйся, вертограда духовнаго в земли Тавричестей мудрый окормителю. Радуйся, всем притекающим в вертоград сей попечителю и покровителю. Радуйся, богомудре отче Иннокентие, святителю преславный.

Кондак 9

Всем сердцем возлюбивый Бога, всечудне святителю, Спаса Христа умоляеши за град твой и люди твоя. Сие показал еси яве во дни обстояния вражескаго, проповедниче ревностный и пламенный, утверждая стадо свое во уповании на помощь Божию, да непоколебими пребудут от нападения иноплеменников. И яко предрекл еси, да отступит сила вражия от брегов земли Одесския, тако и бысть исполнено вскоре. Темже людие православнии прославляху доблесть твою и вопияху Богу: Аллилуиа.

Икос 9

Ветий человеческих благохваление не довлеет к достойному прославлению многих подвигов твоих, святителю славне. Имея бо велию святительства благодать, сподобился еси, отче Иннокентие, икону святую Пречистыя Богоматере, в селении Касперовстем чудесне явленную, прославити по достоянию. Темже подвизаеши нас взывати тебе сице: Радуйся, славы Царицы Небесныя умиленный песнотворче. Радуйся, пред Нею о пастве твоей теплый молитвенниче. Радуйся, быти Покровом и Заступницею края южнаго земли нашея Пречистую умоливый. Радуйся, о утверждении Церкви Православныя пред Богородицею многия слезы проливый. Радуйся, яко в годину лютую в вере непоколебимей стадо твое укрепил еси. Радуйся, яко во уповании на милость Божию люди верныя утвердил еси. Радуйся, яко в любви ко Отечеству земному поревновавый преподобному Сергию Радонежскому. Радуйся, яко в безстрашии ко врагам Отечества уподобивыйся Патриарху Ермогену священномученику. Радуйся, богомудре отче Иннокентие, святителю преславный.

Кондак 10

Спасти хотя богоспасаемый град Одессу от нашествия вражия, святителю добльственне, предстал еси купно с паствою твоею пред Касперовским образом Взбранныя Воеводы, вознося святыя молитвы, да покрыет Пречистая от всякаго зла люди Своя честным Своим омофором. Темже град сей спасен бысть и бежаша вспять сила вражия. Тако моли Царицу Небесную даровати и нам помощь, покров и защиту, да сподобимся с тобою пети Богу: Аллилуиа.

Икос 10

Стена необоримая Церкви Христовой был еси, отче наш Иннокентие, еюже Отечество славное оградися, в православии утвердися и от врагов спасеся. И ныне светом твоим тьма отгоняется и обнажается плетение лукаваго совета божественныя твоея мудрости сиянием, да вси взываем ти: Радуйся, добрый пастырю и великий заступниче народа горем отягченнаго. Радуйся, святою ревностию пламеневый о спасении Крыма осажденнаго. Радуйся, воинство русское на освобождение градов и весей от нечестивых врагов благословивый. Радуйся, яко собою Отечеству пастыря добра, полагающа живот свой за овцы своя, явивый. Радуйся, поля ратныя без страха посещая, воинов ураненых духом и любовию своею укрепивый. Радуйся, яко тамо, идеже смерть и огнь быша, безстрашно проходивый. Радуйся, бедствующий град предстательству Божию вручивый. Радуйся, всех верою и упованием на Господа воодушевивый. Радуйся, богомудре отче Иннокентие, святителю преславный.

Кондак 11

Пение всеумиленное приносил еси Пресвятей Троице во вся дни земнаго жития твоего, Иннокентие всехвальне, Царя Небеснаго Христа Бога рабе верный, посему же в день Пресвятыя Троицы дарова тебе Вседержитель Господь кончину чудну и прослави тя на небесех. Ныне же молися о нас, чтущих светлую память твою, да купно с тобою воспоем Господеви: Аллилуия.

Икос 11

Светлыми лучами чудес твоих, святителю Божий, всех верных сердца и по кончине твоей просвещаеши: чисто бо житие свое скончав, ревнителем православия и стеною необоримою людем избранным ныне являешися. Мы же, грешнии, заступления молитвеннаго твоего просяще, с верою и любовию прославляем тя благохвалении сими: Радуйся, Превечнаго Архиерея Христа верный святителю. Радуйся, Пресвятыя Богородицы вседоблий служителю. Радуйся, яко молитвами твоими град наш ограждаеши. Радуйся, яко предстательством твоим на небесех верных от всякого зла соблюдаеши. Радуйся, пение акафистово ко Причащению святому составивый, сам пред кончиною своею Святых Тайн Христовых причастился еси. Радуйся, Воскресение Христово преславне воспевый, сам и ныне лицезрения Господня сподобился еси. Радуйся, благоволением Пресвятыя Троицы освященный. Радуйся, с девственными лики покланятися всех Творцу Вседержителем благословенный. Радуйся, богомудре отче Иннокентие, святителю преславный.

Кондак 12

Благодати Божией знамение непререкаемое яви нам Христос в обретении мощей твоих, егда благоуханием исходившим от гроба твоего, прослави тя. Сего ради священнии и иночестии собори, и мирстии людие воспевают и прославляют тя на месте, идеже почивают святыя мощи твоя, источающия исцеления струи и страсти потопляющия, верныя же сердца орошающия благодатию Господнею, Богу же, дивному во святых Своих, иже дарованием чудес обогати тя, со умилением вопиют: Аллилуиа.

Икос 12

Поюще твое прославление, святителю Иннокентие, умиленно припадаем пред честными мощами твоими, благодарственно воспоминая труды и подвиги твоя. И ныне услыши молитвы чтущих тя и из глубины сердечныя взывающих: Радуйся, архиереев доброто, священников и иноков похвало. Радуйся, града нашего утверждение и славо. Радуйся, верно молящимся тебе, на помощь скоро притекающий. Радуйся, сердцам скорбящим утешение и радость подающий. Радуйся, Пресвятыя Владычицы Богородицы всеусердный почитателю. Радуйся, проповедниче сладкоглаголивый, апостолом Христовым подражателю. Радуйся, славно совершивый путь, Господом веденный. Радуйся, в чертозе Небеснем к лику святых сопричтенный. Радуйся, богомудре отче Иннокентие, святителю преславный.

Кондак 13

О богоносне и преславне угодниче Христов святителю Иннокентие, вонми гласу моления нас, грешных, от сокрушеннаго сердца к тебе возносиму. Испроси у милостиваго Бога прощение прегрешений наших, да дарует мир жительству нашему, Церковь Свою от всякия вражды, нестроений, ересей и расколов да оградит, возрастит и укрепит ю, вся же верныя ко Христу приведет, да сподобимся купно с тобою во веки пети: Аллилуиа.

Молитва

О всезлатая уста слова, всехвальный и всечестный архиерею, святителю Христов Иннокентие! Ты многая и различная дарования от Господа приял еси, и яко раб благий и верный вся данныя тебе таланты добре умножил еси, и всеми же сими Церкви Христовой и Отечеству славне послужил еси. Ныне же велие на небесех имея дерзновение ко Святей Троице, призри милостивно от обителей горних на нас, немощных, грехами многими обремененных. Умоли Господа Вседержителя, да отвратит от нас гнев Свой, праведно по делом нашим на ны движимый и обратит нас на путь покаяния. Богоненавистное же заблуждение языческое, зловредное нечестие агарянское, вся ереси богохульныя, расколы, от единыя Церкве отчуждающия, да истребит, и да избавит ны от соблазнов мира и козней диавольских. Ей, крепкий столпе церковный, сосуде благодати предъизбранный, испроси от Отца светов, да соблюдет нас от нечестивых и душепагубных лжеучений, неверия и суеверия, умудрит и укрепит ны даже до конца ко хранению веры Православныя, да сохранит малое стадо Свое неразсеянное пребыти в любови и единомыслии, неверныя же к познанию истины да обратит. Да подаст пастырем Церкви примерную святость и святую ревность о спасении пасомых, монашествующим в подвизе укрепление, миру умирение, земли нашея от нахождения иноплеменных, от крамолы и нестроений сохранение. О, ходатаю теплый, пречудный Иннокентие, испроси от Бога нам время на покаяние и жития нашего исправление, во всех нуждах, скорбех и искушениях скорое поможение, терпение же и укрепление, и согрешений прощение. Испроси всяк дар, коемуждо благопотребен яже ко спасению, и от вечных мук и огня геенскаго избавление. Тако да благодатию, человеколюбием в Троице покланяемаго Бога сподобимся наследники быти Царствия Небеснаго, да прославляем вкупе с тобою всех благих Подателя, Триединаго Бога, Отца и Сына и Святаго Духа, ныне и присно и во веки веков. Аминь.

Show more
Скрыть