Святитель Мелетий (Леонтович), архиепископ Харьковский

Святитель Мелетий (Леонтович), архиепископ ХарьковскийСвятитель Мелетий (Леонтович), архиепископ Харьковский. Святитель Мелетий архиепископ Харьковский и Ахтырский возглавлял Харьковскую кафедру с 1835 по 1840 год. Уже при жизни был глубоко почитаем своей паствой. Отошел ко Господу в 1840 году. Похоронен был в усыпальнице Харьковского Свято-Покровского монастыря. В настоящее время мощи святого пребывают в Благовещенском соборе г.Харькова.

Причислен к лику святых 21 февраля 1978 г. День памяти святителя Мелетия – 25 февраля.

 

ЖитиеСлужбаАкафистМолитваТропарь, кондак

Житие архиепископа Мелетия

Мелетий (Михаил Иванович Леонтович)— архиепископ Слободско-Украинский и Харьковский с 22 июня 1835 г. (Харьковский и Ахтырский с 13 февраля 1836 г.) по 29 фев­раля 1840 г.

Родился 6 ноября 1784 г. в с. Старые Санжары на берегу Ворсклы Екатеринославского наместничества (ныне с. Решетники Новосанжарского райо­на Полтавской области). Его предки были лицами духовного звания. С четы­рех лет в доме своего отца начал обу­чаться чтению, чистописанию и осно­вам русской и латинской грамматик.

В возрасте десяти лет (1794) был определен в Полтавское приходское духовное училище, которое успешно окончил через два года. Получив пер­воначальное духовное образование, продолжил обучение в Екатеринославской семинарии (1796 — 1808). После ее окончания, с благословения архи­епископа Платона, как лучшего воспи­танника семинарии вместе с двумя дру­гими выпускниками его направили на казенный счет в СПДА. В 1814 г. окон­чил ее по первому разряду со степенью магистра и был оставлен при академии бакалавром по кафедре греческого языка, позже занял должность конференц-секретаря академии.

7 января 1816 г. подал администра­ции академии прошение о намерении принять монашество.

30 июля 1817 г. был назначен инспек­тором и профессором церковной исто­рии и греческого языка Киевской духов­ной семинарии. 27 сентября 1817г. был переведен на должность инспектора КДА. Через два года — 11 февраля 1819 г., накануне памяти святителя Мелетия Антиохийского, принял монашество. Пострижение в монашество с именем

Мелетий совершил Киевский митропо­лит Евгений (Болховитинов). 22 февра­ля митрополитом Евгением посвящен в сан иеродиакона, а 24 — в иеромонахи. 9 августа 1821 г. назначен в Могилевскую духовную семинарию на дол­жность ректора и профессора богосло­вия, одновременно был настоятелем Кутенского Оршанского монастыря. Здесь он преподавал догматическое и пастырское богословие, а также цер­ковную археологию. Обладая даром педагога, имел глубокие знания по сво­им предметам, прекрасно излагал мате­риал и пользовался большим уважени­ем студентов. В следующем году Меле­тий был возведен в сан архимандрита. Через два года в.августе 1823 г. был переведен в Псков, где занял должность ректора духовной семинарии.

В 1824 г. вновь получил назначение в Киев на должность ректора и орди­нарного профессора богословских наук КДА. В октябре 1826 г. указом Св. Синода был назначен епископом Чигиринским, викарием Киевской епар­хии, настоятелем Киевского Михайлов­ского Златоверхого первоклассного монастыря. Наречение в епископы со­стоялась 19 ноября, а хиротония — 21 ноября в Софии Киевской.

21 апреля 1828 г. был назначен уп­равлять Пермской епархией. В июле прибыл в Пермь и первоначально зани­мался внутренними делами епархии, а весной 1829 г. лично ознакомился с приходами епархии. Много внимания уделял работе с раскольниками, кото­рых было немало в епархии. С помощью миссионеров ему удалось обратить в лоно Православной Церкви более 2 500 раскольников.

В 1831 г. Мелетий был возведен в сан архиепископа и назначен на Иркутскую кафедру. В Восточной Сибири он очень активно начал возрождение миссио­нерской деятельности. Благодаря это­му Св. Синод учредил три миссионер­ских стана: в Селенгинске, Кулях и Укре. Он положил основание Право­славной Церкви в северо-восточной ча­сти епархии и при реке Алдане на трак­те от Иркутска до Охотска. Благодаря его деятельности были построены и ос­вящены на севере Камчатки: Дарикин-ская и Московская церкви.

Особое попечение Мелетий прояв­лял над десятью учебными духовны­ми заведениями Иркутска, которые он часто посещал и, в первую очередь, над духовной семинарией. Значитель­ное место в его деятельности занима­ли поездки для обозрения епархии, во время которых он изучал местные проблемы. Вел постоянные беседы о христианских ценностях среди па­ствы, главное свое внимание направ­лял на духовное ее совершенствова­ние и утверждение христианства в епархии.

В постоянных трудах подорвал здо­ровье и направил Св. Синоду прошение о переводе его в одну из украинских епархий. 22 июня 1835 г. был переве­ден управлять Слободско-Украинской и Харьковской епархией. 18 августа он отбыл из Иркутска, а лишь 9 ноября прибыл в Харьков. В Харькове он сра­зу посетил храмы. Проводил почти ежедневные службы, посещал прихо­ды и монастыри. Проявлял особую за­боту о малоимущих прихожанах, кото­рым постоянно оказывал всяческую материальную помощь. Посещал боль­ных, внушая им веру и христианское, терпение, глубоко молился за них. Во дворе Свято-Покровского монастыря периодически устраивал трапезу для

нищих. Был абсолютным бессребрени­ком. Не оставлял без внимания и дело просвещения, а также духовное пропо­ведничество: постоянно заботился о Коллегиуме, вел неустанную работу с раскольниками.

В быту вел строго аскетическую жизнь, проявлял самоотверженность и необыкновенное трудолюбие и смире­ние в деле служения Церкви и Отече­ству. Его безграничная доброжела­тельность к окружающим вызывала их благорасположенность и искреннюю любовь.

Мелетий оставил достойные внима­ния поучения на украинском языке.

Был награжден орденом св. Анны 1-й степени и другими знаками отли­чия. 6 декабря 1839 г. в день тезоиме­нитства императора Николая I, после совершения литургии и молебна о его здравии в Николаевской церкви Харь­кова Мелетий сильно заболел. В кон­це января 1840 г. состояние его здоровья весьма ухудшилось. Свою смерть предвидел за три дня. Умер 29 февраля на 56-м году жизни и был похоронен 1 марта в Архиерейской усыпальнице Харьковского Покров­ского монастыря.

Еще при жизни Мелетий проявил особые дары Божией благодати. Мно­гие люди при жизни и после смерти Мелетия (приходя с верою к его гроб­нице), в силу своих молитв и веры, по­лучали благодатное утешение.

В 1948 г. по благословению патри­арха Московского и всея Руси Алексия I архиепископом Харьковским и Богоду-ховским Стефаном мощи святителя Ме­летия были перенесены в кафедраль­ный Благовещенский собор, где были помещены в левом (Свято-Варваринском) пределе.

На протяжении 150 лет около усы­пальницы святителя и в Свято-Благове­щенском соборе около раки с его моща­ми происходило немало чудесных явле­ний (выздоровлений и др.). Это стало

основанием для причисления Мелетия постановлением патриарха Пимена и Св. Синода от 21 февраля 1978 г. к лику местночтимых святых. День памяти святи­теля Мелетия — 12(25) февраля.

СЛУЖБА

СВЯТИТЕЛЮ МЕЛЕТИЮ, АРХИЕПИСКОПУ ХАРЬКОВСКОМУ И АХТЫРСКОМУ

НА МАЛОЙ ВЕЧЕРНИ

На Господи воззвах: стихиры на 4, глас 8:

Приидите, вернии,/ святителя нашего песньми почтим,/ сей бо благочестия истинный ревнитель бысть,/ стаду же своему пастырь всеусерднейший,/ емуже со умилением припадающе вопием:/ Мелетие всеблаженне,/ услыши мольбы людей твоих, на тя уповающих.

Приидите, чада церковная,/ днесь бо подобает песнь принести Владыце,/ приял бо Всещедрый, егоже возлюби/ и со всеми святыми к величию славы Своея приобщи,/ его же ублажающе, возопиим:/ святителю милостивый, предстоя Святей Троице,/ молися во еже спастися нам.

Троическое поклонение принесем Владыце и, припадающе, возопиим:/ молитвами святителя нашего Мелетия,/ Тебе верно послужившаго,/ излей на нас, людей Своих, мир и велию милость.

Слава: глас тойже:

Богомудре отче наш Мелетие,/ розго доброплодная от Лозы Верховныя Христа — Бога нашего,/ блажен еси яко правды доброту до конца возлюбил/ и сего ради сирым и скорбящим, аки Самому Господу, послужил,/ вся притекающия к тебе всячески удовлил./ Темже буди и нам, к тебе припадающим,/ тра­пеза благодатно верных насыщающая и ко Христу приобщающая.

И ныне: Богородичен, глас тойже:

Небесную дверь и всех святых Святейшую похваль­ными гласы священнолепно воспоем,/ из Тебе бо, Мати Живота и Владычице,/ Божественному Агнцу плоть исткася,/ Жертва искупления всему миру бывше,/ от Нея бо земнороднии жизнь вкусихом и не­тления свободихомся,/ клятвы Адамовы избавлени быхом./ Емуже, первозданную доброту нам паки даровавшему, покланяемся/ и Тебе, Матерь Искупи­теля нашего, славяще, величаем.

На стиховне стихиры, глас 2:

Подобен: Доме Евфрафов:

Отче, всеблаженне Мелетие,/ ты бо, ревнуя о Гос­поде, стадо Христово верно возлюбил еси,/ не яко наемник, но яко пастырь добрый, Спасу твоему подражал еси,/ тем же и даровася тебе венец неувя­даемый жизни Едемския.

Стих: Священницы Твои облекутся в правду,/ и пре­подобнии Твои возрадуются.

Чистыя молитвы златокованная трубо, Богомудре, отче Мелетие,/ воструби за ны ко Господу/ и умоли Вседержителя не помянути неправд и беззаконий наших,/ но яко Всещедру даровати миру от зол избав­ление/ и спасение душам нашим.

Стих: Блажен муж, бояйся Господа,/ в заповедех Его восхощет зело.

Отче, всеблаженне Мелетие,/ апостольских учений верный подражателю/ и Евангельския истины всеусерднейший глашатаю,/ ты бо молитвою и мило­ванием Христу Богу угодил еси/ и Церкви Небесныя достигл еси,/ не престай убо моляся о благостоянии земныя/ и о любящих благолепие ея.

Слава: глас 2:

Всеблаженне святителю Мелетие,/ Церкве Хри­стовы служителю предивный/ и стада твоего храни­телю неусыпный,/ моли Господа Славы на камени веры всем нам утвердитися,/ во еже творити волю Его сладкопесненно,/ тебе в вере подражающе.

И ныне: Богородичен, глас тойже:

Владычице Благая,/ святии Твои руце к Сыну Твоему воздежи,/ душелюбивому Создателю, ущедрити рабы Твоя.

Тропарь, глас 4:

Мира сего временная, яко преходящая уразумел еси,/ от юности постническое и многотрудное житие возлюбил еси, всеблаженне,/ иерархов славо и пре­подобных похвало,/ Предвечнаго Слова усердный благовестниче,/ сирых и неимущих крове и прибе­жище./ Тем же в молитвах пребывая, Христу утреневати прилежал еси/ и, Сего взыскуя, венец неувяда­емый со всеми святыми стяжал еси,/ отче наш, святителю Мелетие,/ моли Христа Бога спастися душам нашим.

НА ВЕЛИЦЕЙ ВЕЧЕРНИ

Блажен муж: 1-й антифон. НаГосподи воззвах: стихиры святаго на , глас :

Угоднику Божию и пастырю Церкви Христовой Мелетию достохвальному/ приидите вси венец слад­копевца в похвалу принесем;/ радуйся, отцев и под­вижников Церкви Православной подражателю;/ ра­дуйся, Тайн Божиих верный строителю;/ радуйся, вдов и сирот неустанный попечителю./ Моли Христа Бога/ даровати Церкви Святей единомыслие, мир и велию милость.

Гроб и истление упразднившему,/ жизнь и вос­кресение миру даровавшему,/ Христу Жизнодавцу притекл еси,/ избранниче Божий Мелетие,/ от юности вся суетная мира сего нивочтоже вменив/ и равноангельское житие возлюбив,/ пастырем стада словеснаго быти сподобился еси,/ Пастыреначальнику труды твоими верно послужив./ Егоже моли, Богомудре,/ даровати Отечеству нашему и всей вселенней мир и велию милость.

О предивне святителю Мелетие,/ ты бо всякое злочестие мудре посрамил еси,/ паству же свою от пагубных расколов и треволнений мужественно оградил еси,/ сице и нас от козней и сетей вражиих огради,/ и непостыдны Праведному Судии приведи./ Егоже моли, всеблаженне,/ даровати душам нашим мир и велию милость.

Слава: глас 6:

Днесь радости исполнишася всяческая,/ днесь пажить Харьковская Богомудрому пастырю приносит похвалы:/ радуйся, нуждавшихся коснением не утомлявый/ и о помощи умолявших лица твоего не отвращавый;/ радуйся, дивный кладезю благочестия и чистоты;/ радуйся, сосуде, преисполненный цело­мудренной доброты,/ еюже и наша сердца исполни,/ милостивый пастырю нага, Мелетие.

И ныне: догматик, глас 6: Кто Тебе не ублажит: Вход. Прокимен дне, и чтения три святительския.

Притчей чтение.

Память праведнаго с похвалами, и благословение Господне на главе его./ Блажен человек, иже обреете премудрость, и смертен, иже уведе разум./ Лучше бо сию куповати, нежели злата и сребра сокровища./ Честнейшая же есть камений многоцветных,/ все же честное недостойно ея есть./ Долгота бо дней и лета живота в деснице ея,/ в шуйце же ея богатство и слава./ От устен ея исходит правда, закон же и милость на языце носит./ Послушайте убо мене, о чада, честная бо реку,/ и блажен человек, иже пути моя сохранит:/ исходи бо мои, исходи живота,/ и уготовляется хотение от Господа./ Сего ради молю вас и предлагаю мой глас сыновом человеческим,/ яко аз, премудрость, устроих совет/ и разум, и смысл аз призвах./ Мой совет и утверждение, мой разум, моя же крепость./ Аз мене любящия люблю, ищущий же мене обрящут благодать./ Разумейте убо, незлобивии, коварство, ненаказаннии же, прилагайте сердца./ Послушайте мене и паки, честная бо реку,/ и отверзу от устен правая, яко истине поучится гортань мой,/ мерзки же предо мною устны лживыя./ С правдою вси глаго­лы уст моих:/ ничтоже в них стропотно, ниже развра­щенно./ Вся права суть разумевающим и проста обретающим разум./ Научаю бо вас истине,/ да будет о Господе надежда ваша,/ и исполнитеся Духа.

Притчей чтение.

Уста праведнаго каплют премудрость, язык же неправеднаго погибнет./ Устне мужей праведных каплют благодати, уста же нечестивых развраща­ются./ Мерила льстивая — мерзость пред Господем, вес же праведный приятен Ему./ Идеже аще внидет досаждение, тамо и безчестие,/ уста же смиренных поучаются премудрости./ Совершение правых наста­вит их, и поползновение отрицающихся упасет их./ Не пользуют имения в день ярости, правда же избавит от смерти./ Умер праведный, остави раскаяние, наручна же бывает и посмеятельна нечестивых пагуба./ Правда непорочнаго исправляет пути, в нечестие же падает неправда./ Правда мужей правых избавит их, безсовестием же пленяются беззаконники./ Скончав­шемуся мужу праведну, не погибнет надежда,/ похвала же нечестивых погибнет./ Праведник от лова убегнет, вместо же его предается нечестивый./ Во устех нечестивых сеть гражданом, чувство же праведных благопоспешное./ Во благих праведных исправится град, и в погибели нечестивых радование./ Во благословении правых возвысится град, усты же нечестивых раскопаются./ Ругается гражданом лишен­ный разума,/ муж лее мудрый безмолвие водит.

Премудрости Соломоновы чтение.

Праведник, аще постигнет скончатися, в покои будет./ Старость бо честна не многолетна, ниже в числе лет исчитается,/ седина же есть мудрость человеком, и возраст старости — житие нескверное. Благоугоден Богови быв, возлюблен бысть и живый посреде греш­ник преставлен бысть./ Восхищен бысть, да не злоба изменит разума его, или лесть прельстит душу его./ Рачение бо злобы помрачает добрая и парение похоти пременяет ум незлобив./ Скончався вмале, исполни лета долга,/ угодна бо бе Господеви душа его,/ сего ради потщася от среды лукавствия./ Люди же видевше, и не разумевше,/ ниже положите в помыш­лении таковое,/ яко благодать и милость в преподоб­ных Его/ и посещение во избранных Его.

На литии стихиры святаго, глас 5:

Избранниче Божий и пастырю дивный,/ пять тысящ пятию хлебы Насытившему тепле подражал еси,/ о людех милосердствуя,/ хлеб неимущим в доме твоем преизобильно подавал еси,/ молитвы своя добродетельми украшающе,/ богатство некрадомо у Агнца, Вземшаго грехи мира, обрел еси./ Моли, иерарше милостивый Мелетие,/ причастники Того брачныя вечери сотворитися тебе верно молящимся.

Слава: глас 6:

Дивен в подвизех твоих явился еси,/ чистотою душевною, яко багряницею, одеялся еси,/ душевныя помыслы сладостию веры к Богу утверждая,/ кротостию и правдою в доме Бога нашего процвел еси,/ молитвою пламени огненнаго,/ Ангельское дерзновение пред Богом стяжал еси./ Моли Христа Бога спастися стаду твоему,/ Мелетие, земли нашея похвало и упование.

И ныне: Богородичен, глас тойже:

Ублажим, вернии, горних сил Честнейшую,/ Едину Невместимаго Вместившую,/ Бога человеком плотию Рождшую — Пречистую Деву Богородицу,/ Юже воинства Небесная, яко Матерь Господа своего, непре­станно величают,/ человецы же, надежду непостыд­ную имуще, умильно взывают:/ радуйся, Рождшая Спаса душ наших.

На стиховне стихиры, глас 2:

Подобен: Доме Евфрафов:

Богатства некрадомаго мудраго стяжателя,/ приидите христолюбцы целомудренно обогатимся, и сей:/ болящия и в скорбех сущия посетим,/ алчущия и жаждущия правды братскою трапезою соутешим,/ яже есть человеколюбия торжество,/ в нем бо Сам Владыка Славы добротолюбие сердца нашего всячески благословит,/ егда Богомудраго Мелетия доброты порфирою обогатимся братолюбче.

Стих: Восхвалятся преподобнии во славе,/ и воз­радуются на ложах своих.

От плоти и крови человеческия родился еси, всеблаженне,/ и сия целомудрием души твоея покорил еси,/ Богоугодное житие добре стяжал еси, отче наш./ Деланием духовным, бдением всенощным и иноческим воздержанием/ тверд ум Христу Богу соблюл еси/ и добродетельми твоими, аки бисерми, украсился еси./ Темже тя вси чтим и ублажаем, яко приснаго о нас молитвенника.

Стих: Священницы Твои облекутся в правду,/ и пре­подобнии Твои возрадуются.

Житие твое палата красная явися, преподобне отче наш Мелетие,/ в ней бо добродетель твоя, яко мука и елей вдовицы Сарепты Сидонския не умалися,/ но яко алавастр мира благовоннаго, благодати Божией исполнися./ Сего ради всем вся был еси,/ вдов и си­рот трапеза неоскудеваемая,/ в скорбех и напастех сущих — отрада непрестаемая./ Сицевыя благодати не лиши и нас, тебе молящихся,/ во еже дароватися нам велией милости.

Слава: глас 6:

Иже вся ведый, яко Бог,/ Той тя предуведе и предъизбра,/ и яко светильника немеркнущия веры тебе нам дарова,/ Ты же, яко Илия славный, стадо твое от лжепророков сохранил еси,/ и сим венец неувяда­емый стяжал еси, всеблаженне,/ его же и нам сподобитися моли Христа Бога,/ предстателю наш теплый, Мелетие.

И ныне: Богородичен, глас тойже:

Едину Тя, вернии, упование непостыдно имамы, Владычице,/ Твоими молитвами избави нас от всяких враг, видимых и невидимых,/ в бедах и напастех буди нам избавление непреодоленное,/ пред Богом же предстательство Матерней любви преисполненное./ Ты бо Рождеством Твоим Мир спасшая,/ род челове­ческий с Богом примирила еси,/ воистину во успении Твоем нас не оставляющая.

На благословлении хлебов. Тропарь святаго дважды, глас 4:

Мира сего временная, яко преходящая уразумел еси,/ от юности постническое и многотрудное житие возлюбил еси, всеблаженне,/ иерархов славо и препо­добных похвале,/ Предвечнаго Слова усердный благовестниче,/ сирых и неимущих крове и прибе­жище./ Тем же в молитвах пребывая, Христу утреневати прилежал еси/ и, Сего взыскуя, венец неувядаемый со всеми святыми стяжал еси,/ отче наш, святителю Мелетие,/ моли Христа Бога спастися душам нашим.

Богородице Дево, радуйся: единожды.

НА УТРЕНИ

На Бог Господь: тропарь святаго дважды. Слава: И ныне: Богородичен, глас 4: Еже от века:

По 1-м стихословии, седален, глас 5:

Радуйтеся людие, и прославите Бога нашего, дивно во святых Своих почивающаго,/ Егоже непрестанно славословят вся Небесная воинства,/ Сей бо, яко

Отец

щедрот, воздвиже нам пастыря верна и ходатая пред Ним непостыдна,/ в нембо благоволение Божие познахом.

Слава: и ныне: Богородичен:

Всесвятая Дево, помилуй нас, прибегающих с ве­рою к Тебе, Благодатней,/ и просящих теплаго Твоего заступления,/ можеши бо всех спасти, яко Благая сущи Мати Бога Вышняго,/ молитвы Своя всемощныя присно возносящая, Благодатная Марие.

По 2-м стихословии седален, глас 4:

Яко жезл Ааронов, в Церкви Христовой дивно процвел еси/ и красотою добродетели облеклся еси, благочестие Мелетие,/ не презри убо и нас, к тебе прибегающих,/ пред Богом предстательства твоего ищущих,/ моли Его во еже спастися нам.

Слава: и ныне: Богородичен, глас 8:

Теплая Предстательнице и непобедимая Заступ­нице,/ Упование христиан непостыдное, стено и по­крове, и пристанище прибегающих к Тебе,/ земных и Небесных Владычице,/ Сына Твоего и Бога нашего моли/ умирение дати мирови, и спасение, и велию милость.

Величание:

Величаем тя,/ святителю отче Мелетие,/ и чтим святую память твою,/ ты бо молиши за нас/ Христа Бога нашего.

По полиелеи, седален, глас 8:

Приидите, чада церковная,/ днесь бо подобает песнь принести Владыце,/ приял бо Всещедрый, его же возлюби/ и со всеми святыми к величию славы Своея приобщи,/ его же ублажающе, возопиим:/ свя­тителю милостивый, предстоя Святей Троице,/ молися во еже спастися нам.

Слава: и ныне: Богородичен:

Небесную дверь и всех святых Святейшую по­хвальными гласы священнолепно воспоем,/ из Тебе бо, Мати Живота и Владычице,/ Божественному Агнцу плоть исткася,/ Жертва искупления всему миру бывше,/ от Нея бо земнороднии жизнь вкусихом и нетления свободихомся,/ клятвы Адамовы избавлени быхом./ Емуже, первозданную доброту нам паки даровавшему, покланяемся/ и Тебе, Матерь Искупителя нашего, славяще, величаем.

Степенна, 1-й антифон 4-го гласа:

Прокимен, глас 4:Честна пред Господем/ смерть преподобных Его.

Стих:Что воздам Господеви о всех,/ яже воздаде ми.

Евангелие от Иоанна, зачало 35, от полу. По 50-м псалме стихира, глас 4:

Дивен в подвизех твоих явился еси,/ чистотою душевною, яко багряницею, одеялся еси,/ душевныя помыслы сладостию веры к Богу утверждая,/ кротостию и правдою в доме Бога нашего процвел еси,/ молитвою пламени огненнаго,/ Ангельское дерзновение пред Богом стяжал еси./ Моли Христа Бога спастися стаду твоему,/ Мелетие, земли нашея похвало и упование.

Канон Богородице на 6 и святителю на 6.

КАНОН СВЯТИТЕЛЮ, ГЛАС 7

Песнь 1

Ирмос:Сокрушившему брани мышцею Своею,/ и всадники тристаты погрузившему,/ поим Ему, яко Избавителю нашему Богу,/ яко прославися.

Изутробы матерния Богом избран был еси, святи­телю Мелетие, пасти овцы Его словесныя,/ ихже, яко наследие Божие добре соблюл еси/ и Царствию Небес­ному сочетался еси, Богомудре.

Троическое поклонение Единому Богу, в Триех Ипостасех певаемому, от юности твоея уразумел еси,/ Горняго Иерусалима искал еси,/ идеже и даровася ти венец жизни, подвига твоего украшение неувя­даемое.

К Немуже тепле прилепился еси, Богоблаженне,/ Емуже день и нощь подвигом благоразумным тру­дился еси,/ Егоже возлюби душа твоя,/ не престай и ныне умоляти спастися воспевающим тя.

Богородичен:Лествица, юже Иаков виде,/ гора приосененная, всесветлый облак Божественаго света,/ дверь, еюже Бог един пройде,/ — Ты еси Благосло­венная в женах, Пренепорочная.

Песнь 3

Ирмос: Бначале Небеса Всесильным Словом Твоим утверждей, Господи Спасе,/ и Вседетельным и Божиим Духом всю силу их,/ на недвижимом мя камени/ исповедания Твоего утверди.

Юности твоея девственную доброту скоропре­ходящей суете в жертву не повергл еси,/ но якоже Исаак, жертву живую Богу себе привел еси,/ Егоже моли, святителю отче Мелетие,/ в жертву порочную не пожретися к тебе прибегающим.

Многотруден и многоскорбен путь иноческаго подвига/ в бдении, посте и молитвах со слезами неленостно прейти потщался еси, отче Богомудре,/ тако бо хуждшее покорив лучшему и плоть поработив духу,/ Богомыслие стяжал еси.

Егда испил еси от источника Богословия воду живу,/ просвещающую разум истиною Божествен­ною,/ тогда яко лоза много плодная, вином премуд­рости сердца юных чад твоих укрепил еси.

Богородичен: Лютыми грехми окружении и на­пастей бедами потопляемии,/ под Божественный покров Твой прибегаем,/ Мати Христа Бога, молися, во еже спастися рабом Твоим, Всепетая.

Седален, глас 3:

Елей веры непорочной и житие нескверное Богу верно стяжал еси, святителю Мелетие,/ имже новая свеща на свещнице Церкви Христовой возжжеся,/ всех верных на путь спасения наставляюще,/ во еже чистым сердцем творити волю Божию,/ усердием души ко Христу пламенеюще.

Слава: и ныне: Богородичен, глас тойже:

Тыкрепость наша,/ Ты похвала и радование, и хра­нительница нам еси,/ и заступление, и прибежище, и предстательница непобедимая,/ Пресвятая Богоро­дице Дево,/ темже спаси рабы Твоя.

Песнь 4

Ирмос: Покрыла есть Небеса, Христе Боже,/ смотрением Твоим,/ добродетель неизреченныя мудрости Твоея, Человеколюбче.

Излияся благодать Божия на тя, и Духа премуд­рости исполни тя,/ сего ради потоки ересей ученьми твоими изсушил еси,/ души же верных струями Евангельския истины напоил еси,/ еюже утоли жажду душ наших, Богомудре.

Юности пламень веры и возраста житие непороч­ное Богу чисте принесл еси,/ дыханием молитвы благодатной пред Ним о людех ходатайствуя./ Тако и ныне от бед избавитися нам Господа умоли, яко отец любящий ны.

Зарею добродетелей просиял еси/ и скорый по­мощник в скорбех и болезнех сущим показался еси, многомилостиве./ Буди же всем призывающим тя избавитель крепкий и покровитель неотступный, святителю Мелетие.

Богородичен:Ангельстии языцы достойно Твоея хвалы воспети не могут, Чистая:/ мы же ныне рабски вземшеся, радование Гавриилово приносим Ти:/ радуйся, Мати Бога нашего.

Песнь 5

Ирмос:Нощь не светла неверным, Христе,/ верным же просвещение в сладости словес Твоих:/ сего ради к Тебе утренюю,/ и воспеваю Твое Божество.

Пристанищу небурному и благоотишному приведи нас, отче Богомудре, прегрешеньми обуреваемых,/ да пламене будущаго, муки нестерпимыя и гнева Божия избавимся,/ на тя упования возложивше.

Молитву теплую, яко миро благоуханное, принеси за ны ко Господу, святителю Мелетие,/ не имамы бо покаяния, ни жития непорочнаго, ниже молитвы чистыя,/ сего ради помози нам.

Святителю Христов Мелетие, искорени злобу и по­хоть вредную сердец наших,/ да тля греховная не растлит и не помрачит души наша,/ на тя с верою уповающих.

Богородичен:Тебе, Дево, Едину вси вернии стяжахом Заступницу тверду,/ Ты бо Бога родила еси,/ сего ради хвалами, Чистая, Тя ублажаем, роди земнии, по глаголу Твоему.

Песнь 6

Ирмос:Во глубину греховную впадся, Блаже,/ яко Иона от кита вопию Ти:/ возведи от тли живот мой,/ и спаси мя, Человеколюбие.

Воздохни и припади за ны ко Господу/ и умилостиви Его, святителю Мелетие,/ прежде даже не предстати нам Судии Нелицеприятному,/ воздати коемуждо по делом его достойная грядущему.

Услыши глас стенания нашего и вопль плача нашего, отче наш Мелетие,/ яко изсохоша во гресех сердца наша./ Росою слезныя молитвы твоея ускори погасити пламень грехов наших,/ во ад влекущих души наша.

Хромыя возставив и прокаженныя очистив,/ блудницы помиловав и разбойника благоразумнаго во едином часе раеви сподобивый Человеколюбец Господь,/ Его же умоли, Боговозлюбленне, всепро­щающей любрвию просветити убогия души наша и спасти нас.

Богородичен:Адам преступи убо заповедь едину Сына Твоего, Дево, и во изгнание впаде:/ како же рыдаем прегрешений наших бездну,/ во многия беды впадшии.

Кондак, глас :

Ревнуя, поревновал еси к Богу, Егоже возлюбил еси/ и Егоже всем сердцем возжелал еси, отче наш Мелетие,/ и Егоже ради к иноческому подвигу потекл еси/ и заклатися Христу Богу самаго себе привел еси,/ яко пастырь добрый врученное тебе стадо овец Христовых мудре упасл еси./ Моли о нас Христа Бога, святителю достохвальне.

Икос:

Иже в добродетелех, пастырь Церкви Христовой предивный/ и, яко отец чадолюбивый, алчущим и жа­ждущим правды сосуд неистощимый,/ пред Богом предстателю наш верный, в похвалу тебе зовем:/ радуйся, иерарше Христов, Божественныя благодати достойный носителю;/ радуйся, заповедей Божиих -глаголов жизни вечной — усерднейший исполни­телю;/ радуйся, сокровище несокровенное, богатство твое неимущим добре расточивый;/ радуйся, в трудех, посте и бдении верно Богу послуживый./ Моля о нас Христа Бога, святителю достохвальне.

Песнь

Ирмос: Впещь огненную ввержени преподобный отроцы,/ огнь в росу преложиша,/ воспеванием сице вопиюще:/ благословенecu, Господи Боже отец наших.

Молитвы твоя источи за ны ко Господу, отче преблаженнейший,/ и скверну студных дел наших омый, во еже чистым сердцем взывати нам:/ благо­словен Господь, Бог отец наших.

Огнь молитвы непорочныя пролей за всех нас к Богу, святителю Мелетие,/ да не пожрет нас злоба грехов­ная,/ обаче научи нас верно взывати:/ благословен Господь, Бог отец наших.

Возшел еси на высоту добродетели, пастырю наш Мелетие,/ еюже, яко елеем благодатным, горение сердец наших воспламени/ и мрак греховный от душ наших отжени, во еже звати нам чисте:/ благословен Господь, Бог отец наших.

Богородичен:Святая Богородице, Пресвятаго Рождшая плотию,/ уподобитися восхотевшаго чело­веком,/ Небеснаго Царствия всех нас яви причаст­ники молитвами Твоими.

Песнь

Ирмос:Страшнаго Херувимом,/ и чуднаго Сера­фимом, и миру Творца,/ священницы, и раби, и дуси праведных,/ пойте, благословите и превозносите Его во веки.

Како убо воспоем величие трудов твоих,/ аще не подражаем смирению и терпению твоему, преподобие отче Мелетие,/ имже всяка злоба упразднися и Цер­ковь Христова украсися:/ благословяще и превоз­носяще Господа во веки.

Ума красотою дивно увенча тя Господь, пастырю наш Мелетие,/ во еже быти нам: в вере утверждение, в лености же посрамление, в служении ближним поспешение,/ благословяще и превозносяще Бога во веки.

Горняго Сиона житель показался еси, святителю Мелетие,/ сего ради со всеми святыми молиши Гос­пода мир нам и велию милость даровати,/ благословящим и превозносящим Господа во веки.

Богородичен: Яко Матерь Света,/ трапезу Хлеба Жизненнаго и руно орошенное, и сладость райскую почитаем Тя, Чистая Дево Мати.

Песнь

Ирмос:Паче естества Матерь/ и по естеству Деву,/ Едину в женах Благословенную,/ песнъми, вернии, Богородицу величаем.

Богопознанием утвердил еси себе и словесное стадо твое, Богомудре,/ сего ради овцы пажити твоея, со умилением вопиют тебе:/ настави нас Богу служити усердно.

Над многими тя постави Господь,/ о мале бо был еси верен Ему от юности твоея, святителю Мелетие,/ дерзновение к Нему имея, моли, да сотворит нас наследницы Царствия Своего.

Престолу Щедраго Бога предстояще,/ не престай молитися, святителю Мелетие,/ Церковь и страну нашу ограждати миром во вся веки.

Богородичен: ОтТебе, Дево пречистая, Воплотившагося моли о спасении нашем,/ Ему же предстоиши всегда, яко Матерь Сыну.

Светилен, глас :

Подобен: О, преславнаго чудесе:

Свет стезям твоим воистину закон Бога нашего бысть, святителю Мелетие,/ Егоже благодати струями напоен был еси/ и нам Божественный Свет испроси,/ во еже право ходити пути Господни.

Слава: и ныне: Богородичен, глас тойже:

Девство некрадомо, Дево, сохраныне,/ Матерь явилася еси Сына Божия воистинну,/ Отца благоволе­нием и Духа Святаго нашествием.

На хвалитех стихиры на 6, глас 6:

Избранному стада Христова пастырю предивну/ приидите вси, светильников веры носителие,/ сирот питателю и вдов утешителю песнь принесем,/ сей бо ныне усердно за ны молится ко Господу:/ Владыко! Вдовицам предстани, сирых защити, плененныя избави,/ недугующия исцели и вся люди Твоя помяни,/ всем подая яже ко спасению прошения, Господи Боже наш!

Монахом наставника и пастырем красоту/ и сущим в скорбех и печалех неистощимую доброту/ в псалмех, и пениих, и песнех духовных достойно восхвалим святителя Мелетия,/ егоже в дни пленения града Харькова вернии с ликом Заступницы Усердныя узреша,/ скорое избавление от иноплеменников

предрекша./ Сим благоволение Божие к нам уразумеша,/ святителево предстательство благодарне прославиша,/ яко стража града нашего в бедах неотступна.

Ангела Церкви нашея,/ хранителя неусыпна и столпа непоколебима,/ благочестия поборника и нечестия искоренителя,/ деянием и зрением дивно просиявшаго/ и светом веры тварь просветившаго,/ при­идите, песнопений цветами увенчаем святителя милостиваго,/ христианския кончины и добраго ответа на Страшном Судищи Христово нам умоляющаго,/ предстателя за ны ко Господу Мелетия предивна.

Духа Всесвятаго жилище явился еси,/ Боголюбиве отче наш Мелетие,/ от юности бо твоея возжелал еси лучшее житие,/ плоти тленныя всякое сладо­страстие умертвив,/ душу твою оживотворил еси,/ и сию Божественный орган Духа Святаго показав,/ Христу Богу молися неповинным быти нам,/ Пречистаго Тела и Честныя Крови Его недостойно причаща­ющимся.

Слава: глас 6:

Жертву чистую и Богоприятную за люди Богу приносил еси/ и, яко жезл Ааронов, житием непо­рочным дивно процвел еси,/ угодниче Божий Меле­тие,/ избравшему тя всех Творцу и Богу ныне предстоя,/ о мире мира и о соблюдении стада твоего от всех зол ходатайствуеши прилежно./ Мы же предстательством твоим спасаеми,/ Троице Единосущней и Нераздельней верно вопием:/ Свят, Свят, Свят еси, Господи Боже наш,/ помилуй ны Имене ради святаго Твоего.

И ныне: Богородичен, глас тойже:

Радуйся, Церкве Святыя красото;/ радуйся, Пре­мудрости Божией неизмеримая глубино,/ пророческаго сбытия надежде непостыдная,/ апостольския проповеди твердыня непоколебимая./ Радуйся, святейших Горних воинств непостижимое радование,/ святых Собора и земнородных множества не­пререкаемое упование;/ радуйся, Мати Агнца Божия,/ смерти жало поправшаго и сущим во гробех живот даровавшаго./ Егоже моли, Богородице, в книзе животней рабом Твоим написатися,/ еси бо Матерь Света и мира Владычица.

Славословие великое.

НА ЛИТУРГИИ

Блаженны от канона святаго, песни 3-я и 6-я.

Прокимен, глас 1:Уста моя возглаголют премуд­рость/ и поучение сердца моего разум.

Стих: Услышите сия вси языцы,/ внушите вси живущии по вселенной.

Апостол ко Евреем, зачало 335.

Аллилуиа, глас 4: Воззваша праведнии,/ и Гос­подь услыша их.

Стих: Многи скорби праведным,/ и от всех их избавит я Господь.

Евангелие от Луки, зачало 24.

Причастен: Впамять вечную будет праведник.

АКАФИСТ

СВЯТИТЕЛЮ МЕЛЕТИЮ АРХИЕПИСКОПУ ХАРЬКОВСКОМУ И АХТЫРСКОМУ

г. Харьков, 1977

КОНДАК 1

Избранный от мира, предивный угодниче Христов,/ веры и истины благовестниче,/ их же, яко добрый сеятель на ниве Христовой, в сердца чад Божиих усердно всеял еси,/ не престай молитися за ны ко Господу,/ даровати земли нашей мир и безмятежие,/ Церкви Святей от ересей и расколов ограждение,/ да твоими молитвами от бед избавляеми, благодарив зовем ти:

Радуйся, святителю Мелетие, неусыпный о нас ко Христу Богу молитвенниче.

ИКОС 1

Ангела, пламенеюща духом и во плоти суща человека избра тя Господь быти служителя Церкви Святей и овцам Своим пастыря добра, от юности бо твоея Богу Единому сердцем и душею прилежал еси. Мы же, имуще в тебе образ пастыря предивна, умильно взываем ти:

Радуйся, Богом избранный и освященный наш па­стырю;

Радуйся, увенчанный архиерейскою благодатию.

Радуйся, чистый разумом, всею душею Бога возлюбивый;

Радуйся, в житии твоем Тому ревностно послуживый.

Радуйся, в незлобии сердце твое соблюдый;

Радуйся, иго Христово от юности с радостию восприявый.

Радуйся, земли нашей благодатное произрастание;

Радуйся, со всеми, в земли нашей просиявшими, неба церковнаго украшение.

Радуйся, святителю Мелетие, неусыпный о нас ко Христу Богу молитвенниче.

КОНДАК

Видяще тя пастыря подвигом добрым подвизающася и, «аки елень на источники водныя», к Богу устремляющася, стадо же свое словом евангельским, аки ангельским хлебом, обильно питающа, святителю отче наш Мелетие, умиляемся сердцем и душею, благодаряще Бога, даровавшаго нам тебе пастыря на ниве церковней верна и стража овец Его прилежна, и зовем Ему: Аллилуиа.

ИКОС

От юности твоея, богомудре Мелетие, орлу уподо­бился еси, от мирския суеты к высоте небесней воспарив, да постигнеши глубины премудрости Божией и в свете истиннаго благочестия стадо твое мудро просветиши. Мы же наставляемии тобою поклонятися Богу, в Троице Святей славимому, воспеваем ти похвалы сия:

Радуйся, Бога в Святей Троице прославляемаго, познати нас просветивый;

Радуйся, Свет Истинный, просвещающий всякаго че­ловека, всем возвестивый.

Радуйся, ревностный правды Божией искателю, Хри­ста душе твоей обретый;

Радуйся, неутомимый ея глашатаю и жаждущих правды Божией учителю.

Радуйся, закон Божий на скрижалях сердца твоего начертавый;

Радуйся, в слове, житии, любви, духе и вере добр образ верным показавый.

Радуйся, в Дому Божием яко финикс процветый;

Радуйся, чистотою сердца богатый, Необъятнаго ра­зумом, верою объявый.

Радуйся, святителю Мелетие, неусыпный о нас ко Христу Богу молитвенниче.

КОНДАК 3

Яко серна из тенет, от суеты мира сего отбегл еси и к иноческому подвигу потщался еси, Христу Богу непорочным житием благоугодил еси, достоблаженне отче наш Мелетие, в трудех же и бдениих, от стражи утренния до нощи дремания веждома твоима и сна очесом твоим не давал еси, сего ради жилище Духа Всесвятаго быти сподобился еси, и в Троице певаемому Богу, яко орган многострунный, непре­станно воспевал сладостное: Аллилуиа.

ИКОС 3

Кедру ливанскому уподобился еси, святителю Хри­стов Мелетие, изрядно укрепивый душу твою благочестием иноков Печерских, ихже нраву, молитве и воздержанию последовал еси, и яко воин Христов, противу козней вражиих ополчился еси. Видяще тя любовию ко Христу пламенеющаго, благоговейно взываем ти:

Радуйся, Господа ради дом родительский и прелести мира сего оставивый;

Радуйся, путем тесным за Христом последовавый.

Радуйся, ангельское житие благодатно стяжавый;

Радуйся, яко юный Исаак смиренно в руце Божий себе цела отдавый.

Радуйся, образе кротости и о молитве Иисусове присное памятование;

Радуйся, помощи Божией непрестанное призывание.

Радуйся, целомудренной любовию к небесным воспаривый;

Радуйся, молитвою твоею землю нашу освятивый.

Радуйся, святителю Мелетие, неусыпный о нас ко Христу Богу молитвенниче.

КОНДАК 4

Видя тя, Пастыреначальник Христос, иноческаго подвига ревнителя, трудов же и бдений нощных пеленостнаго исполнителя, постави тя юным отроком наставника и учителя, ихже делом и словом к пас­тырскому служению мудре уготовлял еси, и преуспевати в житии благонравием отечески наставлял еси, да и тии, в возраст пришедше и поминающе благия заветы твоя, множицею воспоют Богу: Аллилуиа.

ИКОС 4

Прияв жребий апостольства от Господа твоего, питомцы твоя богословия учением и отеческою любовию усердно наставлял еси, и братию обители Златоглавыя во иноческом благочестии утверждал еси, да приведеши их ко Христу в честном жительстве течение совершати. Мы же, славяще добр образ трудов твоих, ублажаем тя сицевыми похвалы: Радуйся, в земном Едеме, церкви Христовой, верто­градарю верный; Радуйся, трудниче нивы Христовы неутомимый. Радуйся, добрый сеятелю, слово Божие усердно в серд­цах верных сеявый;

Радуйся, мудрый учителю, в евангельской истине таковых просветивый и утвердивый.

Радуйся, светильниче веры, добре горяй и светяй;

Радуйся, наставниче, в заповедех закона Божия право ходити нас научаяй.

Радуйся, яко в посте и молитвах выну пребывал еси;

Радуйся, в бдении и богохвалении безплотным порев­новал еси.

Радуйся, святителю Мелетие, неусыпный о нас ко Христу Богу молитвенниче.

КОНДАК 5

Путеводней звезде уподобился еси, Мелетие преподобие, указуя всем пути к Царству Небес­ному, его же и сам стяжал еси, и душу твою, яко горницу Сионскую, Христу, Новой Пасхе, уготовал ecu. Юже, видя смирением постлану и добродетелию украшену, освяти Пастыреначальник архиерейской благодатию. Ты же яко Петр апостол, взывал еси Ему: «Господи, Ты вся веси, Ты веси, яко люблю Тя», непрестанно воспевая Ему: Аллилуиа.

ИКОС 5

Апостольское учение веры и Божественныя благо­дати наследие имея, святителю отче Мелетие, не от человек зван был еси, якоже и Аарон, но от десницы Божией приял еси жребий служения архиерейскаго в Церкви Святей, и бремя сие, яко Крест Христов, на рамо твое взем, во всяком благочестии и чистоте словесных овец упасл еси. Зряще тя, пастыря добра о Церкви Христове прилежна, людие с любовию воспеваху тебе:

Радуйся, яко горница Сионская, целомудрием и сми­ренномудрием украшенный;

Радуйся, кротостию духовною и любовию сердечною яко алавастр мира у ног Христовых излиянный.

Радуйся, якоже Аарон, жертву чисту Богу приносивый;

Радуйся, яко Соломон, приношения твоя молитвою освятивый.

Радуйся, апостольскою ревностию веры в сердце твоем горяй;

Радуйся, молитвою чистою у Престола Божия благо­ухали.

Радуйся, яко тесен путь в житии твоем подвигом добрым прешел еси;

Радуйся, яко течение благое совершая, Господу Все­держителю угодил еси.

Радуйся, святителю Мелетие, неусыпный о нас ко Христу Богу молитвенниче.

КОНДАК 6

Проповедует тя Церковь Божия, стража верна овец словесных, ихже ты в безгодие и дни треволнения мудре упасл еси, в вере православней до конца соблюл еси и молитвою за вся пред жертвенником Господ­ним предстоял еси, пастырю милостивый Мелетие. Тако и просветися свет твой пред человеки, иже видеша добрая дела твоя, и прославиша Отца Небеснаго, вопиюще Ему: Аллилуиа.

ИКОС 6

Возсиял еси, яко светило неугасимое, горением веры и чистотою души твоея в Перми и Иркутске, святителю Мелетие, идеже Пастыреначальник Господь постави тя пасти овец Его, имже ты воистину был еси правилом жития чистаго, и яко страж недремлющ, в вере православней паству сибирскую утвердил еси, образ пастыря добраго оставив нам, приносящим ти благохваления сия:

Радуйся, страже недремлющий, овец Христовых в вере бодренно охраняли;

Радуйся, в годину бед и испытаний отеческою лю­бовию их утешаяй.

Радуйся, оградо крепкая и надежде православнаго стада несокрушимая;

Радуйся, лампадо светлая, в молитве и подвиге не­угасимая.

Радуйся, пастырю, веры православныя истинный рев­нителю;

Радуйся, плевел веры и нечестия искоренителю.

Радуйся, правды и истины паче всего в житии твоем искавый;

Радуйся, чистотою сердца твоего Господа Славы созерцавый.

Радуйся, святителю Мелетие, неусыпный о нас ко Христу Богу молитвенниче.

КОНДАК 7

Хотяй всем человеком спастися, ты всем вся былеси, да, якоже Павел, Христу всех приобрящеши, святителю отче Мелетие, апостольскими бо стопами грады и веси проходил еси, зной и мраз претерпевая, богатых и убогих, злых и добрых посещал еси, овых к целомудрию, овых к братолюбию призывая, а инех страхом Божиим пастырски вразумляя, заблудших же и коснеющих в ересех и расколах отечески обличал и в вере православней утверждал еси, да вси единеми усты и единем сердцем поют Триединому Богу: Аллилуиа.

ИКОС 7

Яко новую голубицу яви тя Господь, святителю Мелетие, не ветвь бо масличную, но благовестив евангельское сущим в ковчезе церковнем приносил еси и усты Давидовы к Богу взывал еси: «Да внидет пред Тя молитва моя, приклони ухо Твое к молению моему». Помяни убо и нас, чтущих тя звании сими:

Радуйся, от стражи утренния до нощи молитвы Богу приносивый;

Радуйся, в трудех и болезнех плоть твою от работы нетления свободивый.

Радуйся, яко Владыце всех наша покаянныя молитвы приносиши;

Радуйся, и сам о нас Того усердно молиши.

Радуйся, в пощении и говении вкушавый хлеб ангельския сладости;

Радуйся, в страдании и терпении многом обретаяй евангельскую радость.

Радуйся, источниче чистый, душу твою слезами от грехов омывый;

Радуйся, ковчеже нескверный, душу твою Телом и Кровию Христовой освятивый.

Радуйся, святителю Мелетие, неусыпный о нас ко Христу Богу молитвенниче.

КОНДАК 8

Чудно соделоваяй пути нашего спасения Человеко­любец Господь, промыслительно, аки росу на руно Гедеоново, дарова тя Харьковстей пажити архипастыря прилежна и православнаго учения хранителя тверда, да в венец земнаго подвига твоего поставит тя пред Престолом Славы Своея молитвенника о нас тепла. Сего ради Богу, во благо вся устрояющему, со умилением зовем: Аллилуиа.

ИКОС 8

Всего себе в руце Божий предавый, к пастве града Харькова смиренно стопы твоя направил еси, отче наш Мелетие, идеже показался еси убогим прибе­жище и в бедах сущим утешение, юным же чистоты и целомудрия доброе наставление, вдовам и сирым искренний попечитель, нерадивым пастырем вразум­ление и во озлоблении сущим незлобивый обличитель, Церкви Христовой от всякаго нестроения мудрый защититель, и всех, в нуждах к тебе прибегающих, утешитель. О сем приими от нас таковая похвалы: Радуйся, сокровище несокровенное, богатство твое неимущим добре расточивый;

Радуйся, яко отец чадолюбивый, жертвенную любовь пастве твоей явивый.

Радуйся, пастырю дивный, не пастве токмо, Самому Господу верно послуживый;

Радуйся, любяй ближних своих, и в них Самого Гос­пода возлюбивый.

Радуйся, яко в малом был еси верен, и над многим постави тя Господь;

Радуйся, пламенно паству Христову возлюбивый, сего ради возлюби тя Пастыреначальник Христос.

Радуйся, архиерею Божий, от Превечнаго Архиерея свыше прославленный;

Радуйся, иерарше Христов, дарами Святаго Духа преисполненный.

Радуйся, святителю Мелетие, неусыпный о нас ко Христу Богу молитвенниче.

КОНДАК

Вси людие паствы харьковския видевше тя, архипастырясвоего, смирением и кротостию сияюща, прославиша Бога, святителю отче Мелетие, ты же любовию к ним исполненный, яко отец о своих чадех твоих, слезныя молитвы Богу день и нощь изливал еси. Сего ради людие твои, умиляющеся сердцем и душею, воспеваху Богу, даровавшему им таковаго свя­тителя дивна: Аллилуиа.

ИКОС 9

ако восхвалим по достоянию высоту смирения твоего, святителю Мелетие, егда посрамил еси прегордаго клирика твоего, тяжкими горестями омрачившаго многоскорбныя дни твои, — в лености безпечна и в делех нерадива, безстудне оклеветавшаго тя. Ты же смирение раны тайных подвигов твоих на теле твоем клеветнику оному обнажил еси, и безукорне отпустил его; он же, злобою снедаемый, безутешно в землю отыде. Мы же от злых дел своих посрамляемии, дерзаем в покаянии звати Богу: «Гос­поди! Даруй ми зрети моя прегрешения и не осуждати брата моего», тебе же приносити сицевая:

Радуйся, сосуде смирения, имже всякая гордыня низлагается;

Радуйся, любовь нелицемерная, еюже вся козни вражия попираются.

Радуйся, агнче незлобивый, никомуже злом за зло воздавый;

Радуйся, кротосте духовная, досаждения и поношения ближних своих отеческою любовию покрывавый.

Радуйся, роптание, празднословие и злохуление возненавидевый;

Радуйся, терпение крепкое и молчаливая к праздно­словию уста стяжавый.

Радуйся, кадило чистаго благоухания, сердца наша благодатным миром исполнивый;

Радуйся, светильниче неземнаго сияния, истинныя любве друг ко другу искати нас научивый.

Радуйся, святителю Мелетие, неусыпный о нас ко Христу Богу молитвенниче.

КОНДАК 10

Повеле Господь хотящым спасти душу свою погу­бите ю ради другов своих, ты же, святителю Мелетие, душу твою о пастве твоей полагал еси, и до кончины жития жертву Безкровную за вся люди Богу принося, в кротости душевней взывал еси к Нему: Господи, нас же всех, от Единаго Хлеба и Чаши причащающихся, соедини: и ни единаго нас осужденна сотвори: но да обрящем милость и благодать со всеми святыми, от века Тебе благоугодившими, во еже звати Тебе: Аллилуиа.

ИКОС 10

Стеною крепкою молитв твоих оградил еси нас, к заступлению твоему прибегающих, блаженне Мелетие, видехом бо тя до последняго издыхания твоего к Богу за паству взывающа: Господи! Сам всем вся буди, ведый коегождо, и прошение его, дом и потребу его. Избави, Господи, град сей и всякий град и страну от глада, губительства, труса, потопа, огня и меча. В твердем же на тя уповании нашем, — ныне, по отшествии твоем к Богу, услыши нас, вопиющих тебе:

Радуйся, прошения труждающихся и обремененных скоро исполняли;

Радуйся, слезы и воздыхания чад своих милостивно утоляяй.

Радуйся, страже церковный, подвиги твоими мно­готрудными благо Церкви соблюдали;

Радуйся, ходатаю прилежный, молитвами твоими благодать Божию на землю нашу низводяй.

Радуйся, житие твое на земли преподобнически препроводивый;

Радуйся, добродетельми твоими Богови попремногу б л агоугодивый.

Радуйся, сосуде молитв многомощных, имиже демони далече отступают;

Радуйся, Тайн Божиих дивный строителю, в нихже ангели Божий человеком служат.

Радуйся, святителю Мелетие, неусыпный о нас ко Христу Богу молитвенниче.

КОНДАК 11

Пение ангельское услышати сподобился еси, свя­тителю Мелетие, егда из храмины твоея телесныя исхождаше душа твоя, юже ты исповеданием во гресех, яко злато в горниле очистил еси, и прича­щением Пречистых Тайн Христовых паче снега убелил сию и Спасу предал еси. Человеколюбец же Господь прежде исхода твоего от земных дивно посети тя и добродетельна житием обрете тя, Его же свет неизреченный и славу неизглаголанную ученик твой узрев, в трепете душевнем ужасеся и возопи Богу: Аллилуйа.

ИКОС 11

Светило пресветлое Церкви Харьковстей возсиял еси, святителю Мелетие. В житии бо твоем и по преставлении к небесным чад твоих не оставлявши, но руце молебнии о наших гресех и о всех людех ко Христу воздевавши, и тако гнев Божий, праведно на ны движимый, молением твоим умилостивлявши, и время на покаяние даровати нам Его умолявши, да не безплодни явимся пред Лице Судии Праведнаго, но якоже мудрыя девы, со светильники, елея веры исполненными. Сего ради тебе, пред Богом присному о нас ходатаю, вседушевно взываем:

Радуйся, по отшествии твоем к Богу молитва о нас неумолкающая;

Радуйся, трапеза неоскудевающая, духовно нас не­видимо питающая.

Радуйся, жителю горняго Сиона, с лики ангельския и всеми святыми обитаяй;

Радуйся, предстателю наш у Престола Божия, в зем­ных испытаниих нас не оставляяй.

Радуйся, светильниче веры, в невечернем дни жизни нестареющейся дивно сияющий;

Радуйся, закоснелую совесть к покаянию пробужда­ющий.

Радуйся, яко душа твоя вчинена бысть с лики святи­телей;

Радуйся, яко блаженство сие пребудет с тобою в безконечныя веки.

Радуйся, святителю Мелетие, неусыпный о нас ко Христу Богу молитвенниче.

КОНДАК 12

Благодати неисповедимое знамение яви нам Гос­подь, украси бо престольный собор града Харькова, яко ковчег завета в древней скинии двема херувимы, столпами истины и любве: святителем Цареградския Церкве Афанасием, яко стражем веры возседающим, и земли нашея угодником Своим Мелетием, во гробе малом почивающим. Сие знамение благоволения Божия вси вернии разумеюще, в Православней вере укрепляются и в радости душевней взывают Триеди­ному Богу: Аллилуйа.

ИКОС 12

Поюще велия и преславная чудеса твоя, святителю Христов Мелетие, почитаем священную память твою и благоговейно молим тя, во еже милостивно даровати нам многая душам нашим полезная и ко спасению потребная. Мы же, имуще тя града Харькова дивное украшение, пред Богом же молитвенное заступление, благодарно зовем ти таковая: Радуйся, угодниче Божий Мелетие, апостольских преданий хранителю верный;

Радуйся, святителю предивный, святаго Православия исповедниче неустрашимый.

Радуйся, избранниче Божий, благочестивый веры отцев наших усердный подражателю;

Радуйся, земный ангеле, за град и Отечество наши теплый пред Богом предстателю.

Радуйся, архипастырю града Харькова, омофором твоим от всяких бед и напастей страну нашу покрывали;

Радуйся, Христом Богом возлюбленный, в молитвах твоих нас никогдаже оставляли.

Радуйся, проповедниче Божия мира и над еж до пред Богом несокрушимая;

Радуйся, о Церкви Христовой верный попечителю и молитвы за нас сило непреодолимая.

Радуйся, святителю Мелетие, неусыпный о нас ко Христу Богу молитвенниче.

КОНДАК 13

О всеблаженне пастырю наш, святителю отче Меле­тие! Приими малое сие моление наше, с любовию тебе приносимое, и умоли Христа Бога, да избавит нас от всяких бед, скорбей и напастей, и миром незыблемым жизнь нагну да оградит. Церковь же Святую Свою от расколов и нестроений соблюдет, и вся люди Своя в единомыслии веры и любве к Себе приведет, во еже в невечернем дни Царствия Его всегда воспевати Ему: Аллилуиа.

Кондак 13-й глаголется трижды. И паки икос 1-й и кондак 1-й.

МОЛИТВА

СВЯТИТЕЛЮ ХРИСТОВУ МЕЛЕТИЮ

АРХИЕПИСКОПУ ХАРЬКОВСКОМУ И АХТЫРСКОМУ

О, богомудре святителю Христов, отче наш Мелетие! Призри на нас, чад твоих, к стопам твоим припада­ющих и всесильнаго твоего заступления пред Гос­подом слезно просящих.

Беззакония бо наша отяготеша на нас, скорби и болезни обуяша на ны, и греховныя обычаи наша отдалиша от Господа сердца наша, и прельщениям вражиим, ко аду преисподнему нас влекущим, работати совратиша ны.

Ты же, пастырю наш благосердный, в житии твоем ни единаго скорбяща и милости твоея просяща, николиже презрел еси. Вознеси моление о нас грешных ко Господу, да умолен быв Материю Своею, преложит гнев Свой, по грехом нашим праведно на нас движимый, на милование наше и подаст душам нашим крепость и телесем нашим потребное здравие, болезнем и немощем нашим исцеление и от скорбей и печалей избавление.

Церковь Святую от наветов вражиих тверду и непоколебиму в мире соблюди, всякое епископство Православных и весь причт церковный в едино­мыслии веры утверди. Иночествующих братии наших, в посте и честнем жительстве подвизающихся, благодатию смирения и терпения снабди.

Верным же чадам Церкви Христовой разум чист и свободен от страстей умоли, да не в гордости и самочинии сердца своя ожесточают, но в послушании

сыновнем пастырем Церкви,

Самому Господу,

себе смиренно вверяют, и кийждо их попечению о ду­ше своей пламенно прилежит.

Стране нашей испроси у Господа вся благая и ко спасению потребная, да от всех врагов, мыслящих нам злая, избавит нас и, по велицей Своей милости, всю жизнь нашу незыблемым миром оградит.

Ей, святителю милостивый! Не лиши нас помощи твоея небесныя, но предстательством твоим вся ны во пристанище спасения приведи, и всесветлаго Царствия Христова наследники нас покажи, да поем и славим неизреченныя щедроты Человеколюбца Бога, Отца и Сына и Святаго Духа, и твое святое отеческое заступление, во веки веков. Аминь!

Конец, и Богу слава!

МОЛИТВА

СВЯТИТЕЛЮ ХРИСТОВУ МЕЛЕТИЮ АРХИЕПИСКОПУ ХАРЬКОВСКОМУ И АХТЫРСКОМУ

О, богомудре святителю Христов, отче наш Мелетие! Призри на нас, чад твоих, к стопам твоим припада¬ющих и всесильнаго твоего заступления пред Господом слезно просящих.

Беззакония бо наша отяготеша на нас, скорби и болезни обуяша на ны, и греховныя обычаи наша отдалиша от Господа сердца наша, и прельщениям вражиим, ко аду преисподнему нас влекущим, работати совратиша ны.

Ты же, пастырю наш благосердный, в житии твоем ни единаго скорбяща и милости твоея просяща, николиже презрел еси. Вознеси моление о нас грешных ко Господу, да умолен быв Материю Своею, преложит гнев Свой, по грехом нашим праведно на нас движимый, на милование наше и подаст душам нашим крепость и телесем нашим потребное здравие, болезнем и немощем нашим исцеление и от скорбей и печалей избавление.

Церковь Святую от наветов вражиих тверду и непоколебиму в мире соблюди, всякое епископство Православных и весь причт церковный в едино¬мыслии веры утверди. Иночествующих братии наших, в посте и честнем жительстве подвизающихся, благодатию смирения и терпения снабди. Верным же чадам Церкви Христовой разум чист и свободен от страстей умоли, да не в гордости и самочинии сердца своя ожесточают, но в послушании сыновнем пастырем Церкви, 

Самому Господу, себе смиренно вверяют, и кийждо их попечению о ду¬ше своей пламенно прилежит. Стране нашей испроси у Господа вся благая и ко спасению потребная, да от всех врагов, мыслящих нам злая, избавит нас и, по велицей Своей милости, всю жизнь нашу незыблемым миром оградит.

Ей, святителю милостивый! Не лиши нас помощи твоея небесныя, но предстательством твоим вся ны во пристанище спасения приведи, и всесветлаго Царствия Христова наследники нас покажи, да поем и славим неизреченныя щедроты Человеколюбца Бога, Отца и Сына и Святаго Духа, и твое святое отеческое заступление, во веки веков. Аминь!

Свт. Мелетия, архиеп. Харьковского. Тропарь, глас 4.
Ми́ра сего́ вре́менная, я́ко преходя́щая уразуме́л еси́,/ от ю́ности по́стническое и многотру́дное житие́ возлюби́л еси́, всеблаже́нне,/ иера́рхов сла́во и преподо́бных похвало́,/ Предве́чнаго Сло́ва усе́рдный благове́стниче,/ си́рых и неиму́щих кро́ве и прибе́жище./ Тем же в моли́твах пребыва́я, Христу́ у́треневати прилежа́л еси́/ и, Сего́ взыску́я, вене́ц неувяда́емый со все́ми святы́ми стяжа́л еси́,/ о́тче наш, святи́телю Меле́тие,/ моли́ Христа́ Бо́га спасти́ся душа́м на́шим.

Кондак, глас 4.
Ревну́я, поревнова́л еси́ к Бо́гу, Его́же возлюби́л еси́/ и Его́же всем се́рдцем возжела́л еси́, о́тче наш Меле́тие,/ и Его́же ра́ди к и́ноческому по́двигу поте́кл еси́/ и закла́тися Христу́ Бо́гу сама́го себе́ приве́л еси́,/ я́ко па́стырь до́брый вруче́нное тебе́ ста́до ове́ц Христо́вых му́дре упа́сл еси́./ Моли́ о нас Христа́ Бо́га, святи́телю достохва́льне.

Житие | Служба | Акафист | Молитва | Тропарь, кондак

%d такие блоггеры, как: