24 апреля — празднование иконе Божией Матери «Живоносный источник»

Ежегодно в пятницу Светлой седмицы Православная Церковь совершает празднество иконе Божией Матери, именуемой «Живоносный Источник».

В V веке в Константинополе, близ так называемых «Золотых ворот», находилась роща, посвященная Пресвятой Богородице. В роще был источник, с давних пор прославленный чудесами. Постепенно это место заросло кустарником, а воду затянуло тиной.

Однажды воин Лев Маркелл, будущий император, встретил в этом месте слепца, беспомощного путника, сбившегося с дороги. Лев помог ему выйти на тропинку и устроиться в тени для отдыха, а сам отправился на поиски воды для освежения слепого. Вдруг он услышал женский голос: «Лев! Не ищи воды далеко, она здесь близко». Удивленный таинственным голосом, он стал искать воду, но не нашел. Когда же остановился в печали и задумчивости, вторично раздался тот же голос: «Царь Лев! Пойди под сень этой рощи, почерпни воды, которую там найдешь, и напой ею жаждущего. Тину же, которую найдешь в источнике, положи на его глаза. Потом ты узнаешь, кто Я, освящающая это место. Я помогу тебе вскоре воздвигнуть здесь во имя Мое храм, и все, приходящие сюда с верою и призывающие Мое имя, получат исполнение своих молитв и полное исцеление от недугов».

Когда Лев исполнил все повеленное, то слепой немедленно прозрел и без проводника пошел в Константинополь, прославляя Богоматерь. Это чудо совершилось при императоре Маркиане (391-457).

Императора Маркиана сменил Лев Маркелл (457-473). Он вспомнил о явлении и предсказании Божией Матери, приказал очистить источник и заключить в каменный круг, над которым был построен храм в честь Пресвятой Богородицы. Император Лев назвал этот родник «Живоносным источником», так как в нем проявилась чудодействующая благодать Божией Матери.

Император Юстиниан Великий (527-565) был человеком глубоко приверженным к православной вере. Он долго мучился водяной болезнью. Однажды в полночь он услышал голос: «Ты не можешь вернуть себе здоровья, если не напьешься из Моего источника». Царь не знал, о каком источнике говорит голос, и впал в уныние. Тогда Божия Матерь явилась ему уже днем и сказала: «Встань, царь, иди на Мой источник, выпей из него воды и будешь, как прежде, здоров». Больной исполнил волю Владычицы и вскоре выздоровел. Благодарный император воздвиг около храма, устроенного Львом, новый великолепный храм, при котором впоследствии был создан многолюдный монастырь.

В XV столетии известный храм «Живоносного источника» был разрушен мусульманами. К развалинам храма приставили стражника-турка, который не позволял подходить к этому месту. Постепенно строгость запрета смягчилась, и христиане поставили там небольшую церковь. Но и она в 1821 году была разрушена, а источник засыпан. Христиане вновь очистили развалины, открыли источник и по-прежнему черпали из него воду. Впоследствии в одном окне среди обломков был найден полусгнивший от времени и сырости лист с записью десяти чудес от Живоносного источника, совершившихся с 1824 по 1829 годы. При султане Махмуде православные получили некоторую свободу в совершении богослужения. Они воспользовались ею, чтобы в третий раз воздвигнуть храм над Живоносным источником. В 1835 году с великим торжеством Патриарх Константин в сослужении 20 архиереев и при большом количестве богомольцев освятил храм; при храме устроили больницу и богадельню.

Явление Льву Маркеллу Божией Матери совершилось 4 апреля 450 года. В этот день, а также ежегодно в пятницу Светлой седмицы Православная Церковь празднует обновление константинопольского храма в честь Живоносного источника. По уставу в этот день совершается чин водоосвящения с Пасхальным крестным ходом.

Иконографически образ Божией Матери «Живоносныи Источник» связан с древним византийским изображением типа «Никопея Кириотисса» — «Владычица Победодательница».

Первоначально образ Богородицы именуемый «Живоносный Источник» распространялся в списках без изображения источника. Затем в композицию была включена чаша (фиала). В более поздние времена стали изображать на иконе также водоем и фонтан. Образ Божией Матери «Никопеи Кириотиссы» в свою очередь восходит к одному из первоначальных Богородичных изображений — «Знамению».

Одно из древних изображений, напоминающих образ Божией Матери «Живоносный Источник», относится к концу XIII — началу XIV веков. На глиняном блюде, найденном в Крыму, Божия Матерь изображена в чаше в образе Оранты, с воздетыми в молитве руками. Изображение Богоматери «Живоносный Источник» середины XIV века описывает церковный историк Никифор Каллист, составитель службы этой иконе и синаксаря. Он повествует, что в середине фиалы, похожей на крещенскую купель, установленной над источником, была изображена Богоматерь с Младенцем Христом на лоне. Иногда такая икона называется «Живоносная Источница», иногда — «Живоприемный Источник» и даже просто «Источная». Богоматерь есть Источник жизни, ибо от Нее произошел Христос, Путь, Истина, Сама Жизнь. Изображение «Живоносного Источника», относящееся к 1-й половине XV века, находится на Святой Горе Афон. Здесь, в нарфике придела во имя великомученика Георгия Победоносца в монастыре святого Павла, находится фреска письма Андроника Византийца. Образ Божией Матери с благословляющим Младенцем представлен в широкой фиале. По сторонам читается надпись по-гречески: «Живоносный Источник».

Начиная с XVI столетия в России утверждается обычай, подобный греческому, освящать источники, находящиеся в монастырях и вблизи них, посвящать их Божией Матери и писать иконы Божией Матери, именуемые «Живоносный Источник». В России они получили особенно широкое распространение. Но ранее XVII века русских композиций па эту тему не известно. Глубоко почитал этот образ преподобный Серафим Саровский и увещевал приходивших к нему молиться и искать утешения и исцеления перед этой Богородичной, иконой. В середине прошлого столетия иеросхимонах Иоанникий принес из Константинополя в Саровскую обитель чтимую икону, изображающую Явление Богоматери на Живоносном источнике. В 1873 году в Серафимо-Понетаевском Скорбященском монастыре был устроен великолепный храм в честь иконы «Живоносный Источник». Кроме Саровской обители, известны подобные иконы в храмах многих епархий Русской Православной Церкви.

На Руси композиция иконы «Живоносный Источник» постепенно усложняется. Появляется деревянный кладезь, из которого бьет водная струя, по сторонам его изображаются вселенские святители Василий Великий, Григорий Богослов и Иоанн Златоуст. Они черпают живоносную воду и раздают стоящим вокруг людям. На переднем плане изображены одержимые различными недугами.

Представление об источниках, как символе помощи Богожией Матери и благодати Божией, достаточно древнее. На многих Богородичных иконах, например «Водительницы», Жировицкой, иконы «Благовещения Божией Матери у кладезя», неизменно присутствует изображение источника. Само название источника потеряло свое прежнее узкое значение. Оно стало употребляться в более широком смысле. Его относят и к самому источнику, у которого была засвидетельствована милость Богородицы, и к Богоматери — Первоисточнику Живоносному, и к храму, построенному на месте источника. Соответственно и обновление храма «Живоносного источника», которое воспоминается в Светлый пяток, подобно обновлению храма Воскресения в Иерусалиме и освящению храма в честь великомученика Георгия Победоносца в Лидде, тоже вышло за рамки местного события. И каждую икону Божией Матери в этом широком смысле можно назвать «Живоносный Источник», имея в виду помощь Пресвятой Богородицы и Ее богатую милость.

Со временем композиция иконы усложнилась настолько, что самостоятельный образ Божией Матери «Живоносный Источник» стал лишь составляющим в общей сложной композиции. Так, в 1668 году известный русский иконописец Симон Ушаков с одним из своих учеников написал икону Живоносный Источник «с чудесами». В шестнадцати клеймах он изобразил чудеса Богоматери, совершившиеся у Живоносного источника.

Богословское содержание иконы «Живоносный Источник» догматично. Наиболее ярко проявляется оно в службе этой иконе. В каждом молитвословии центральное место занимает идея всемирного заступничества Богоматери, Ее неустанного ходатайства перед Божественным Сыном. Ее всесильной и обильной помощи всем нуждающимся. Смысл иконы раскрывается двояко: подчеркивается рождение Пресвятой Девою Жизни Присносущной — Сына Божия во плоти и в отношении Ее к миру — врачевство от всяких недугов.

Все дни Светлой седмицы предстают перед нами как единый светлый Пасхальный день. Пятница Светлой седмицы выделяется особо: тем, что в этот день впервые после Великой агиасмы на Богоявление совершается освящение воды во всех храмах Русской Православной Церкви, и тем, что в самом богослужебном чине этого дня к пасхальным стихирам и тропарям присоединяют песнопения службы иконе Божией Матери «Живоносный Источник».

Не случайно празднование в честь этого образа совершается в пятницу. Пятница — день Крестных страданий Господа Иисуса Христа. Это день страданий и Самой Божией Матери. В этот же день страданиями Христовыми совершалось величайшее спасительное дело Божие о человеке, и весь род человеческий чрез апостола Иоанна был усыновлен Божией Матери (Ин. 19, 26-27). Воскресением же Христовым смерть умертвилась (6-я песнь канона праздника Пасхи) и печаль Матери Божией преложилась в радость (Ин. 16. 20). Эта мысль в отношении Ко Пресвятой Богородице особенно ярко выражена в тропаре 8-й песни канона «Живоносному Источнику»: «Вся смерти держава Тебе ради разорися внезапу, о Царице и Госпоже! Ибо Бессмертную Жизнь, и Воду, и Манну Ты источила еси — Царя Христа вовеки!».

Молитвы

Тропарь Божией Матери пред иконой Ее «Живоносный Источник»

глас 4

Почерпем, человецы,/ цельбы душам и телом молитвою,/ река бо всем предтечет,/ Пречистая Царица Богородица,/ источающи нам чудную воду/ и измывающи сердец черности,/ греховныя струпы очищающи,/ души же освящающи верных// Божественною благодатию.

Кондак Божией Матери пред иконой Ее «Живоносный Источник»

глас 8

От неистощимыя/ Ты, Источниче богоблагодатный, подаеши ми, точащи, воды/ Твоея благодати,/ приснотекущий паче слова,/ яко бо Слово рождшая паче смысла,/ молютися, ороси мя благодатию, да зову Ти:// радуйся, Водо спасительная.

Молитва Пресвятой Богородице в честь иконы Ее «Живоносный Источник»

О, Пресвятая Дево, Мати Господа нашего Иисуса Христа! Ты еси Мати и покровительница всех к Тебе прибегающих, призри с благосердием на молитвы грешных и смиренных чад Твоих. Ты, именуемая Живоносный Источник благодатных врачеваний, исцели

Канон и Акафист

АКАФИСТ ПРЕСВЯТОЙ БОГОРОДИЦЕ ПРЕД ИКОНОЙ «ЖИВОНОСНЫЙ ИСТОЧНИК»

Кондак 1

Избранной от всех родов Божией Матери и Царице, милостиво внемлющей молитвам болящих, и от водных источников токи целебныя изливающей страждущим, благодарственное приносим пение. Ты же, всемилостивая Целительнице, приклонися благоутробно гласом нашим хвалебным и от всяких недугов душевных и телесных свободи нас, зовущих: Радуйся, Живоносный Источниче, вся наша болезни исцеляющая.

Икос 1

Ангели святии благоговейно Тебе служат и вси небожителие немолчными гласы Тя ублажают, Богородице Дево, яко Родительницу Царя Христа Бога. Мы же грешнии, подражати им дерзающе, молимся Ти: сподоби нас непрестанно Тебе возносити благодарения за премногую милость Твою ко всему роду христианскому. Аще и недоумевает всяк язык восхвалити Тя по достоянию, но, ведуще благость Твою, и мы, недостойнии служителие Твои, дерзновенно отверзем уста наша, и наполнятся духа, и достойное отрыгнем похвальное слово, Царице Божией Матери зовуще таковая: Радуйся, благословенная в женах Дево благодатная; радуйся, Всевышняго Бога Мати, Духа Святаго пребывание. Радуйся, дара Божия благодати источниче преизобильный; радуйся, чудес реко присносущная. Радуйся, источниче радости непрестанныя; радуйся, источниче милости неизсякаемыя. Радуйся, молитвы всех христиан приемлющая; радуйся, и самых отчаянных грешников моления не отвергающая. Радуйся, обидимых заступнице; радуйся, печальных утешительнице. Радуйся, бедствующих помощнице; радуйся, заблуждающих наставнице. Радуйся, Живоносный Источниче, вся наша болезни исцеляющая.

Кондак 2

Видящи, премилосердая Мати Божия, земное скорбное житие наше, немощи и болезни, благоизволила еси проявляти милости Твоя к нам, исцеляющи души и телеса страждущих; обаче и мы с радостию несказанною припадаем к Тебе, Владычице, и из глубины души благодарим Тя, нашу дивную целительницу, воспевающе Богу: Аллилуиа.

Икос 2

Разум человеческий воистину превзошла есть любовь Твоя ко всем недужным, егда милостиво призрела еси на страждущаго слепца, томившагося в лесной чащи и повелела еси царю Льву почерпнути воды от живоноснаго источника Твоего и утолити жажду слепаго, да вси, ведуще Твое сострадание к страждущим, песненно Тебе вопиют: Радуйся, скорбь нашу в радость претворяющая; радуйся, оставленных врачми на Свои всемощнеи руце приемлющая. Радуйся, милосердая всех нас о Христе Мати; радуйся, презренных и отверженных от погибели избавляющая. Радуйся, сердца злых человек умягчающая; радуйся, от клеветы и досаждения и иных бед спасающая. Радуйся, Живоносный Источниче, вся наша болезни исцеляющая.

Кондак 3

Сила благодати Божией осеняет всех, с верою и благоговением прибегающих к Твоему, Пречистая Госпоже Богородице, предстательству; темже и мы к Тебе, Всемилостивейшая Покровительнице наша, приходим и умильно зовем: научи нас прославляти всечестное и всехвальное имя Твое и достойно воспевати Богу: Аллилуиа.

Икос 3

Имущи к роду христианскому Матернее милосердие, всем с верою и упованием прибегающим к Тебе подаеши руку помощи, Владычице: болящим исцеление, страждущим ослабу, слепым прозрение, разслабленным укрепление, скорбящим утешение, и всем коегождо потребу подаеши. О Божия Мати, со умилением к Тебе припадаем и богатыя Твоея милости ожидающе, усердно тако вопием: Радуйся, радосте наша, Еюже слезы от очей отъемлются наших; радуйся, нечаянную радость верным дарующая. Радуйся, яко Тобою наша благая желания исполняются; радуйся, яко много может молитва Твоя пред Сыном Твоим и Богом. Радуйся, благословение домов и семейств благочестивых; радуйся, отрадо наша и дивное о нас попечение. Радуйся, Живоносный Источниче, вся наша болезни исцеляющая.

Кондак 4

Бурею многих бед одержимым нам помогаеши, Владычице, ибо всегда пред Господним престолом стоиши и, воздвигши руце Свои, молишися, яко да нашу недостойную молитву приимет Господь, Царь славы, и исполнит прошения призывающих имя Твое святое, зовущих Сыну Твоему: Аллилуиа.

Икос 4

Слыша царь Лев глас Твой божественный, Пресвятая Владычице, повелевающий помазати очи слепому водою источника и сотвори, якоже глас Твой повеле, и абие прозрев слепец, позна Тя сострадательницу быти всем немощствующим, с верою просящим у Тебе помощи и в болезнех исцеление, и созда тамо у Твоего источника храм имени святому Твоему, да вси, получивше Твою милость, непрестанно благодарственно славят Тя, Богородице, тако: Радуйся, благодатный Источниче, источаяй нам неоскудныя милости; радуйся, избавляющая нас от бед. Радуйся, ненадежных надеждо; радуйся, скорбящих отрадо. Радуйся, Мати Бога Вышняго; радуйся, яко за всех Ты молиши Сына Твоего, Христа Бога нашего. Радуйся, всех скорбящих и болезнующих утешительнице; радуйся, всех немощей телесных и душевных исцелительнице. Радуйся, Живоносный Источниче, вся наша болезни исцеляющая.

Кондак 5

Благодатная врачевания Ты изобильно подаеши всем немощствующим, сего ради Тебе, божественной целительнице, на освященных Тобою водных источницех храми созидаются, Пресвятая Дево, да вси вернии довольно наслаждаются знаменьми Твоея милости, еяже не лиши и нас, смиренных чад Твоих, по долгу воспевающих и вопиющих чудес творцу Богу: Аллилуиа.

Икос 5

Видим Животворный источник, Владычице, яко воистину вторую Силоамскую купель, в нейже вся болезни наша исцеляются и не токмо единою в лето и первым входящим здравие тела подаеши, но всегда всякий недуг и всяку язву душевную и телесную врачуеши с верою и любовию к Тебе прибегающих, сего ради вопием Ти: Радуйся, неусыпная наша Предстательнице пред Богом; радуйся, яко свеща неугасимая, в молитвах за нас у престола Господня присно горящая. Радуйся, Мати милосердия и щедрот; радуйся, во время безпомощия нашего, егда бедствуем и не имамы помогающего, на помощь нам ускоряющая. Радуйся, в день отчаяния нашего от обдержащих нас недугов и скорбей матерински утешающая; радуйся, от растлевающих душу и тело соблазнов сохраняющая. Радуйся, от внезапныя смерти избавляющая; радуйся, при кончине нашей причастия Святых Таин сподобляющая. Радуйся, Живоносный Источниче, вся наша болезни исцеляющая.

Кондак 6

Проповедует Церковь Христова чудеса Твоя, Богородице, яко песка морскаго и звезд небесных множае суть; от востока бо и до запада хвально имя Твое чудесы, и несть града или страны, идеже не совершися Тобою действо силы Божия во избавление и спасение, просвещение и исцеление людей христианских. Наипаче же обыкла еси чудотворити чрез водное естество; священным призыванием Твоего Святаго имене обильно изливаеши струю милости на всех страждущих; даруй убо всем с верою причащающимся или кропящимся святою водою совершенное исцеление, да славословим Тя и Сыну Твоему Христу Спасителю зовем: Аллилуиа

Икос 6

Возсияла еси в животворном источнице Твоем, Пресвятая Владычице, токи благодатных исцелений всем страждущим от различных недугов, и в нашей стране светиши светом чудес и милостей; притекающии бо к Тебе и скорбей избавление, и недугов исцеление, и радости всякия исполнение приемлют; о Госпоже Царице и Владычице, Ты всегда воздвизаеши руце Свои на умоление пред Сыном Твоим и Богом, услыши и ныне нас, усердно вопиющих к Тебе таковая: Радуйся, животворныя воды источниче неистощимый; радуйся, бане, омывающая греховную скверну. Радуйся, скорбей наших услаждение; радуйся, печалей наших утоление. Радуйся, болезней наших врачевание; радуйся, от всяких бед наших избавление. Радуйся, Живоносный Источниче, вся наша болезни исцеляющая.

Кондак 7

Хотящи всем показати любовь Твою велию к страждущим людям, Богородице преблагая, благоизволила еси в водном естестве проявити Твою целительную силу и даровала еси животворную благодать водному источнику в чащи лесной во исцеление слепаго, и научила и нас имя Твое святое пред сею водою призывати, верующе и дерзновенно уповающе, яко и ныне воде сей милостивно даруеши ту же благодатную силу и исцеляеши ею всех нас страждущих, да благодарственно во веки о Тебе вопиют людие Богу: Аллилуиа.

Икос 7

Дивная показал еси дела Твоя в Пречистей Матери, Господи, и дивными чудесы преизобилующий даровал еси нам Ея источник, да, в водных струях его изобильно черплюще благодатная врачевания, вси немощнии Твои люди верою сердечною и от души любовию прославляют небесную целительницу, Всесвятую Матерь Твою, и зовут таковая: Радуйся, алавастре врачевания, на всякий недуг врачевство содержай; радуйся, милосердная Целительнице всех немощей душевных и телесных. Радуйся, узы греховныя кающихся грешников разрешающая; радуйся, о всем мире усердная предстательнице. Радуйся, скорбящих матерей тихое веселие; радуйся, вечною радостию нас одевающая. Радуйся, вдовиц заступление; радуйся, безпомощных сирот благосердное призрение. Радуйся, детям, неудобь учащимся, разум дающая; радуйся, юности охранительнице. Радуйся, Живоносный Источниче, вся наша болезни исцеляющая.

Кондак 8

Странно есть видети, яко водный Твой источник, Владычице, чудотворное действо являет и всякия болезни исцеляет всем; темже, познающе силу Божию по Твоему милостивному предстательству, прославляюще Господа Бога, с верою и умилением поем Ему: Аллилуиа.

Икос 8

Все земное житие наше зде болезненно есть и слезно от клеветы, досаждения, укоризны и иных многих бед и напастей; немотствует бо тело, изнемогает и дух наш. К Тебе убо прибегаем, Богомати, пред Твоим пречистым образом припадающе, молимся: исполни радостию сердца наша, да вопием Ти: Радуйся, Царице неба и земли; радуйся, с Сыном Твоим и Богом вечно царствующая и Ему же о нас моления приносящая. Радуйся, всех к Тебе прибегающих милостию Твоею покрывающая; радуйся, всех радосте, печали наша утоляющая. Радуйся, неправедно гонимых и обидимых заступнице; радуйся, гонящих и обидящих праведная отмстительнице. Радуйся, Милостивная, нас добре милующая; радуйся, отчаянных на путь истины направляющая и к Богу возводящая. Радуйся, Живоносный Источниче, вся наша болезни исцеляющая.

Кондак 9

Всякая житейская в мире сем сладость печали бывает причастна: слава пременяется, богатство безследно преходит, здравие и красота телесная увядают, друзи и искреннии отъемлются; о Милосердная, услади и наша скорби, подающи нам истинную радость, вопиющим к Богу: Аллилуиа.

Икос 9

Витийствуяй язык не может изрещи велию славу Твою, Богородице, еюже Ты прославилася еси в дивных делех Твоего милосердия к роду христианскому; о Мати Божия, Мати Всеблагая, милосердию Твоему несть конца и величие Твое кто исповесть? Да будет же всесвятое имя Твое во век преблагословенно и да будет с Тобою слава, достойная величия святейшаго имене Твоего, от нас же недостойных приими архангельский глас: Радуйся, Благодатная, яко Господь с Тобою; радуйся, благословенная в женах. Радуйся, обретшая благодать у Бога; радуйся, освященная Духом Святым. Радуйся, осененная силою Всевышняго Бога; радуйся, богоизбранная Отроковице, Приснодево. Радуйся, Невесто Неневестная; радуйся, верная рабо Господня. Радуйся, яко Тя ублажают вси народи земнии; радуйся, Родительнице Небеснаго Врача. Радуйся, Живоносный Источниче, вся наша болезни исцеляющая.

Кондак 10

Спасти хотящи многия от находящих зол, скорбей и болезней, даровала еси нам целительную благодать в воде, освященной призыванием имене Твоего святаго, темже мнози скорое получают исцеление: слепии прозревают, хромии ходят, разслабленнии возстают, беснующиися исцеляются, земли плодоносие подается, людие от смертносныя язвы, внезапныя смерти и насильственнаго убийства избавляются, гради, веси и домы от огня и молнии спасаются. О Пресвятая Мати Божия, кто не ублажит Тя, кто не воспоет Твоя славная чудеса? Темже и мы, прославляюще Бога, дающаго нам таковыя милости по Твоему предстательству, величающе Тя, вопием Ему: Аллилуиа.

Икос 10

Стена еси необоримая и источник милостей и чудес, Всеблагая Владычице Богородице, всем к Твоему покрову прибегающим, темже молим Тя, заступи и спаси с любовию к Тебе взывающих таковая: Радуйся, яко Ты еси молитвенница наша к Богу усердная; радуйся, яко Матерняя Твоя молитва много может, Владыку Христа умилостивляющи. Радуйся, предающихся унынию и скорби в надежде утверждающая; радуйся, нашедший на нас облак греховных страстей скоро разгоняющая. Радуйся, славящих Тя прославляющая; радуйся, отвергающих Тя посрамляющая и, яко прах, от земли их развевающая. Радуйся, скорбных родителей в лишении чад их утешающая благодатною Твоею помощию; радуйся, Целительнице наша в страданиих телесных и благая Утешительнице в печалех наших душевных. Радуйся, Живоносный Источниче, вся наша болезни исцеляющая.

Кондак 11

Пение всеумиленное приими от нас, Небесная Царице, и молитву, приносимую Тебе, Дево Богородице, услыши. К Тебе бо в напастех и скорбех прибегаем и пред Тобою в бедах наших слезы проливаем и молимся: уврачуй наша болезни и утоли печали всех вопиющих о Тебе Богу: Аллилуиа.

Икос 11

Светоподательная свеща, возжженная Духом Святым для озарения сущих во тьме греха и юдоли плача, Ты еси, Пресвятая Дево; светлыми бо лучами чудес Твоих просвещаеши всех нас, помраченных греховною мглою, и приводиши к немолчному славословию Твоего пресвятаго имене, сего ради вопием Ти тако: Радуйся, в посте и молитве и богомыслии всегда нам спребывающая; радуйся, в час недоумения мысль благую на сердце полагающая. Радуйся, Мати Света истиннаго; радуйся, солнце правды, нас облистающее. Радуйся, наставнице непорочнаго девства; радуйся, хранительнице ревнующих о чистоте. Радуйся, дев величание; радуйся, нищих питательнице и нагих одеяние. Радуйся, Живоносный Источниче, вся наша болезни исцеляющая.

Кондак 12

Благодати Твоея живоносный источник имуще, Пресвятая Дево, к Тебе прибегаем, яко нерушимей стене и предстательству. Призри благосердием, Пресвятая Богородице, на лютое наше озлобление и исцели душ и телес наших скорби и болезни, да зовем о Тебе Богу: Аллилуиа.

Икос 12

Поюще неизреченное Матернее Твое милосердие к страждущим, хвалим Тя, яко живоносный источник благодатных врачеваний, яко неистощимую реку чудес, яко бездну милости и щедрот и все упование по Бозе возлагаем на Тя и в сей, и в будущей жизни и, прославляюще Тя, вопием: Радуйся, христиан непостыдное упование; радуйся, верная споручнице о нас пред Богом. Радуйся, ненадежных надеяние; радуйся, истинное спасение малодушных и отчаянных. Радуйся, утешительнице во всякой скорби; радуйся, из глубины погибели спасающая. Радуйся, отрадо в день смерти; радуйся, единая надеждо и по смерти. Радуйся, Живоносный Источниче, вся наша болезни исцеляющая.

Кондак 13

О всепетая Мати, Небесная Царице и Владычице, Дево Богородице, рождшая нам Христа, Сына Божия, изволившаго, нашего ради спасения, снити на землю и воплотитися от Духа Свята и от Тебе, Пресвятыя Девы, и вочеловечитися; услыши наша усердныя молитвы и всех здесь предстоящих, со слезами и воздыханьми молящихся, помилуй. Даруй нам всем по коегождо прошению помощи, да никтоже от нас отыдет от Твоего божественнаго лика тощ и не услышан, но вси, получивше Твоя милости, благодарственно о Тебе вопием нашему Богу: Аллилуиа. Этот кондак читается трижды, затем 1-й икос «Ангели святии …» и 1-й кондак «Избранной от всех родов …».

Молитва

О Пресвятая Дево, Мати Господа нашего Иисуса Христа! Ты еси Мати и покровительница всех к Тебе прибегающих, призри с благосердием на молитвы грешных и смиренных чад Твоих. Ты, именуемая Живоносный Источник благодатных врачеваний, исцели болезни страждущих и умоли Сына Твоего, Господа нашего Иисуса Христа, да низпослет и всем притекающим к Тебе здравие душевное и телесное и, простив нам вольная и невольная согрешения наша, дарует нам вся яже к вечней и временней жизни потребная. Ты еси всех скорбящих радость, услыши нас, скорбных; Ты еси утоление печали, утоли и нашу печаль; Ты еси взыскание погибших, не попусти и нам погибнути в бездне грехов наших, но всегда избавляй нас от всяких скорбей и напастей и всякаго злаго обстояния. Ей, Царице наша преблагая, надеждо наша несокрушимая и заступнице необоримая, не отврати лица Твоего от нас за множество прегрешений наших, но простри нам руце Матерняго милосердия Твоего и сотвори с нами знамение милости Твоея во благо: яви нам помощь Твою и благопоспеши во всяком деле благом. От всякаго же начинания греховнаго и помышления лукаваго отврати нас, да всегда славим пречестное имя Твое, величающе Бога Отца и Сына Единороднаго Господа Иисуса Христа и Животворящаго Святаго Духа со всеми святыми во веки веков. Аминь.